Псалтыр 13:2 - Коми Библия 2023

² Господь енэжсяньыс видзӧдӧ йӧзыс вылӧ, медым аддзыны, эм-ӧ вежӧра мортыс, Енсӧ корсьысьыс.

Псалтыр 13:2 Kruisverwysings

Неемий 2:2

Ӧксы юаліс: «Мыйла тэ шог чужӧма? Аддза, тэ он вись, но сьӧлӧмыд мыйыськӧ шогсьӧ». Ме зэв ёна повзи.

Эсфир 7:6

Эсфир вочавидзис: «Тайӧ дзескӧдысьыс да мустӧмтысьыс – лёк Аман». Аман повзьӧмысла тіравны пондіс ӧксы да Эсфир водзын.

Иов 10:15

Ме кӧ мыжа – курыд шог меным! А мыжтӧм кӧ, весиг сэки ог лысьт юрӧс лэптыны, ме пӧтӧма яналӧмнас, кок йылысь усьмӧн менӧ юкталӧма шогнас.

Псалтыр 17:9

Сылӧн скӧралӧмсянь кыптіс тшын, Сылӧн вомысь петіс сотысь би, Сысянь киссисны биа ӧгыръяс.

Псалтыр 42:4

Ме матыстча Тэнад висьпуктанін дорӧ, матыстча Тэ дінӧ, Енмӧй. Тэ сетан меным нимкодьлун да гажлун, гуслиӧн ворсӧмӧн ме кута ошкыны Тэнӧ, менам Енмӧй.

Псалтыр 6:4

Менам лолӧй дзикӧдз нюкыртчӧма. Господьӧй, дыр-ӧ на меным виччысьнысӧ?

Псалтыр 7:2

Господьӧй Енмӧй, Тэ вылӧ ме лача кута. Мезды менӧ дзескӧдысьясысь да дорйы менӧ,

Псалтыр 74:10

А ме кута помтӧг нимӧдны Господьӧс, кута сьылӧмӧн ошкыны Яковлысь Енсӧ.

Псалтыр 8:2

Господьӧй, миян Ыджыдӧй, кутшӧм шензьӧдана Тэнад нимыд став му пасьталаыс! Тэныд ошкӧмыс кыптӧ енэжъясысь вылӧджык на.

Псалтыр 9:6

Тэ дӧзмин войтыръяс вылӧ, бырӧдін лёк вӧчысьясӧс, вуштыштін налысь нимсӧ пыр кежлӧ.

Шусьӧгъяс 15:13

Сьӧлӧмыд кӧ долыд, чужӧмыд югыд, сьӧлӧмыд кӧ шогалӧ, лолыд нюкыртчӧ.

Еклесиаст 5:17

Ме аддзи, мый мырсян-пессян олӧмас мортлы сёйӧм-юӧм да нимкодясьӧм дорысь бурджыкыс да лӧсьыдджыкыс абу. Мортыс ӧд мырсьӧ-пессьӧ шонді улас Енмӧн сетӧм олан лунъяс чӧж – татшӧм сылӧн олан пайыс.

Еремей 15:18

Мыйла менам сьӧлӧмӧй пыр висьӧ, мыйла оз бурд менам дойӧй? Тэ лоин меным косьмӧм ва петанінӧн, мый ылӧдлӧ юны кӧсйысьӧс.

Еремей 45:3

”Тэ шуан, меным пӧ курыд шог, ӧд Господь содтіс менам висьӧм дінӧ шог, и аслам ойзӧмысь пӧ мудзи нин, ог аддзы шойччӧгсӧ”.

Еремей 8:18

– Шогӧй топӧдӧ менӧ, менам сьӧлӧмӧй бӧрдӧ!

Бӧрданкыв 1:5

Дзескӧдысьяс ыджыдалӧны Сион вылын, мустӧмтысьяс гажаа олӧны. Сионлӧн уна мыж вӧсна Господь ыстіс сылы шог. Сылысь челядьсӧ нуӧдісны пленӧ, дзескӧдысьяс вӧтлісны найӧс водзвыланыс.

Бӧрданкыв 1:9

Бӧждорыс сылӧн няйтчӧма пежнас. Сійӧ эз мӧвпав, мый виччысьӧ сійӧс. Сійӧ дзикӧдз усис, но сійӧс бурӧдысьыс эз вӧв. «Господьӧй, видзӧдлы менам шогсьӧм вылӧ, ӧд вӧрӧг асьсӧ вылӧ кыпӧдӧ».

Бӧрданкыв 5:20

Мый вӧсна Тэ дзикӧдз вунӧдін миянӧс, мыйла та дыра кежлӧ эновтін миянӧс?

Матвей 26:38

Сійӧ шуис: «Шогӧй кувмӧн топӧдӧ лолӧс. Олыштӧй Мекӧд тані да энӧ узьӧй».

Лука 22:53

Ме быд лун вӧлі тіянкӧд крамын, но ті энӧ лэптылӧй кинытӧ Ме вылӧ. Ӧні тіян кадыс да пемыдыслӧн ыджыдалӧмыс».

Иоан 16:6

Ӧд Менам висьталӧмысь тіян сьӧлӧмныд тырис шогӧн.

Римӧ 9:2

Менам сьӧлӧмӧй ёна шогсьӧ да дугдывтӧг бӧрдӧ.

Филипӧ 2:27

Епафродит ёна висис да вӧлі куланвыйын, но Енмыс вӧлі бур сьӧлӧма сы дінӧ, и эз сӧмын сы дінӧ, тшӧтш ме дінӧ, медым менам шогӧй эз сод.

Ӧксыяслӧн 1 небӧг 18:29

Саул нӧшта на ёнджыка кутіс повны Давидысь. И став олӧм чӧжыс мустӧмтіс сійӧс.

Ӧксыяслӧн 1 небӧг 24:19

Талун тэ петкӧдлін, мый тэ бур сьӧлӧма ме дінӧ. Господь сетіс менӧ тэнад киӧ, но тэ эн ви менӧ.