Псалтыр 129:5 - Коми Библия 2023

⁵ Ме лача кута Господь вылӧ, став сьӧлӧмсянь лача кута Сы вылӧ да Сылӧн кывйыс вылӧ.

Псалтыр 129:5 Kruisverwysings

Неемий 6:16

Кор миянӧс дзескӧдысьяс да миян гӧгӧр олысь войтыръяс кылісны та йылысь, повзисны. Налы яндзим лои, ӧд гӧгӧрвоисны, мый тайӧ уджсӧ вӧчны миянлы отсаліс миян Енным.

Эсфир 6:13

Аман висьталіс Зереш гӧтырыслы да аслас ёртъяслы, мый сыкӧд лои. Сылӧн сюсь мывкыда ёртъясыс да Зереш гӧтырыс шуисны сылы: «Иудейясысь кӧ тайӧ Мардокейыс, код вӧсна пондін усьны, тэ сійӧс он вермы, а ачыд дзикӧдз усян [ӧд сыкӧд ловъя Ен]».

Эсфир 9:5

Иудейяс пасьвартісны вӧрӧгнысӧ, виалісны-бырӧдісны найӧс шыпуртӧн да вӧчисны мустӧмтысьясныскӧд, мый кӧсйисны.

Псалтыр 71:13

Сійӧ лоӧ бур сьӧлӧма гӧльяс да коньӧръяс дінӧ, сійӧ видзас налысь олӧмсӧ.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 29:8

Кыдзи тшыг морт вӧтасьӧ, мый сійӧ сёйӧ, но садьмӧм бӧрас сійӧ пыр на тшыг, кыдзи юны кӧсйысь вӧтасьӧ, мый сійӧ юӧ, но садьмӧм бӧрас сійӧ вынтӧм – сылӧн горшыс пыр на косьмӧ, тадзи жӧ лоӧ уна лыда войтыркӧд, кодъяс тышкасьӧны Сион керӧслы паныд.

Исай 37:22

Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

Исай 37:35

Ме видза тайӧ карсӧ, мезда сійӧс Ас ради да Аслам Давид кесйӧгӧй ради».

Микей 4:11

Ӧні тэныд паныд чукӧртчисны войтыръяс, найӧ шуалӧны: «Вай янӧдам Сион нылӧс, кутам видзӧдны сійӧс бырӧдӧмсӧ».

Закар 12:3

Сійӧ лунӧ, кор войтыръяс чукӧртчасны Ерусалимлы паныд, Ме вӧча Ерусалимӧс налы сьӧкыд изйӧн. Коді вӧрзьӧдас изсӧ, асьсӧ вирӧдз дойдалас.

Закар 12:6

Сійӧ лунӧ Ме вӧча иудаса юралысьясӧс вӧрын ыпъялысь биӧн да кольтаяс костын ӧзтӧм бипурӧн. Найӧ бырӧдасны став войтыръяссӧ Ерусалим гӧгӧрысь – шуйгаладорсьыс и веськыдладорсьыс. А Ерусалимын олысьяс кольччасны овны асланыс карӧ».

1 Коринфӧ 16:22

Коді оз радейт Господь Исус Кристосӧс, сійӧс лоӧ ёрӧма. Маран-афа.