Псалтыр 129:1 - Коми Библия 2023

¹ Крамӧ мунігӧн сьылӧм. Господьӧй, пыдӧстӧм гусянь ме шыася Тэ дінӧ.

Псалтыр 129:1 Kruisverwysings

Псалтыр 120:1

Крамӧ мунігӧн сьылӧм. Синмӧс лэпта керӧсъяслань. Кысянь воас меным отсӧгыс?

Псалтыр 121:1

Крамӧ мунігӧн сьылӧм. Давидлӧн сьыланкыв. Ме нимкодяси, кор меным шуисны, мунам пӧ Господьлӧн керкаӧ.

Псалтыр 122:1

Крамӧ мунігӧн сьылӧм. Тэлань кыпӧда синмӧс, енэжъясын Олысьӧй.

Псалтыр 123:1

Крамӧ мунігӧн сьылӧм. Давидлӧн сьыланкыв. Эз кӧ Господь вӧв миян дор, – мед шуас тадзи Израиль –

Псалтыр 124:1

Крамӧ мунігӧн сьылӧм. Господь вылӧ лача кутысь Сион керӧс кодь, сійӧ некор оз вӧрзьыв, сулалас нэмъяс чӧж.

Псалтыр 125:1

Крамӧ мунігӧн сьылӧм. Кор Господь бӧр вайӧдіс миянӧс пленысь Сионӧ, ми вӧлім мича вӧт аддзысь кодьӧсь.

Псалтыр 126:1

Крамӧ мунігӧн сьылӧм. Соломонлӧн сьыланкыв. Господь кӧ оз лэпты керкатӧ, весьшӧрӧ мырсьӧны керка лэптысьяс. Господь кӧ оз видз картӧ, весьшӧрӧ войсӧ узьтӧг олӧны карсӧ видзысьяс.

Псалтыр 127:1

Крамӧ мунігӧн сьылӧм. Шуда сійӧ, коді полӧ Господьысь, ветлӧ Сылӧн туйясӧд.

Псалтыр 128:1

Крамӧ мунігӧн сьылӧм. Том кадсянь менӧ ёна дзескӧдісны – мед шуас тадзи Израиль –

Псалтыр 88:15

Тэнад юралӧмыдлӧн подулыс – веськыдлун да веськыда мыждӧм. Буралӧмыс да збыльыс ветлӧны Тэ водзвылын.

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».

Исай 47:12

Сідзкӧ, водзӧ кимӧститчы, ёнджыка на тшыкӧдчы, ӧд тэ том кадсяньыд нин ноксян тайӧн. Гашкӧ, тайӧ отсалас тэныд, гашкӧ, тайӧ видзас тэнӧ лёксьыс.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Еремей 22:21

Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Бӧрданкыв 1:3

Иудаӧс нуӧдісны йӧз муӧ, сійӧ шогсьӧ, нартитӧмсьыс сьӧкыдалӧ. Сійӧ олӧ мукӧд войтыръяс пӧвстын, оз тӧд шойччӧгсӧ. Дзескӧдысьяс суӧдісны Иудаӧс, сійӧ эз вермы пышйыны.

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Осий 11:1

– Кор Израиль вӧлі том на, сійӧ вӧлі муса Меным. Египет муысь Ме кори пиӧс.

Осий 2:15

Сэні Ме бӧр сета сылы ассьыс виноград йӧръяссӧ, Акор ковтыс лоӧ сылы лачасӧ сетысьӧн. Сэні сійӧ кутас кывзысьны томдырйиыс моз, Египетысь петігӧныс моз.

Ёрдысьяс 2:15

Кор израильсаяс петлісны тышӧ, Господь кыпӧдліс кисӧ налы паныд, и найӧс пасьвартлісны, кыдзи налы кыв сетӧмӧн шуліс Господь. Израиль войтырлы вӧлі вывті сьӧкыд.

Ёрдысьяс 3:8

Господь скӧрмис Израиль войтыр вылӧ. Сійӧ сетіс найӧс Месопотамияысь Кушан-Ришатаим ӧксы киӧ. Израиль пиян кесъялісны Кушан-Ришатаимлы кӧкъямыс во чӧж.

Ӧксыяслӧн 1 небӧг 13:19

Израиль му пасьтала эз вӧвны дорччысьяс, ӧд филистимсаяс эз лэдзны еврейяслы дорны шыяс да шыпуртъяс.