Псалтыр 125:1 - Коми Библия 2023

¹ Крамӧ мунігӧн сьылӧм. Кор Господь бӧр вайӧдіс миянӧс пленысь Сионӧ, ми вӧлім мича вӧт аддзысь кодьӧсь.

Псалтыр 125:1 Kruisverwysings

1 Каднебӧг 5:20

Енмыс отсаліс налы да сетіс налӧн киӧ Агарсянь чужысьясӧс да на дор сулалысьясӧс. Енмыс кыліс Сы вылӧ лача кутысьяслысь кевмӧмсӧ, кор найӧ тыш дырйи шыасисны Сы дінӧ.

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

Псалтыр 120:1

Крамӧ мунігӧн сьылӧм. Синмӧс лэпта керӧсъяслань. Кысянь воас меным отсӧгыс?

Псалтыр 121:1

Крамӧ мунігӧн сьылӧм. Давидлӧн сьыланкыв. Ме нимкодяси, кор меным шуисны, мунам пӧ Господьлӧн керкаӧ.

Псалтыр 122:1

Крамӧ мунігӧн сьылӧм. Тэлань кыпӧда синмӧс, енэжъясын Олысьӧй.

Псалтыр 123:1

Крамӧ мунігӧн сьылӧм. Давидлӧн сьыланкыв. Эз кӧ Господь вӧв миян дор, – мед шуас тадзи Израиль –

Псалтыр 124:1

Крамӧ мунігӧн сьылӧм. Господь вылӧ лача кутысь Сион керӧс кодь, сійӧ некор оз вӧрзьыв, сулалас нэмъяс чӧж.

Псалтыр 20:8

Ӧксы кӧ лача кутӧ Господь вылӧ, сійӧ оз вӧрзьыв, ӧд Медвылыссаыс бур сьӧлӧма сы дінӧ.

Псалтыр 25:2

Господьӧй, видзӧдлы менам сьӧлӧмӧ да тӧдмав менӧ, тӧдмав менсьым мӧвпъясӧс да сьӧлӧмӧс.

Псалтыр 25:8

Господьӧй, меным муса Тэнад крамыд, Тэнад дзирдлуныдлӧн оланіныс.

Псалтыр 27:1

Давидлӧн псалом. Господьӧй, ме шыася Тэ дінӧ, Тэ менам Дорйысьӧй. Кор шыася Тэ дінӧ, эн чӧв ов. Тэ кӧ кутан чӧв овны, ме кула.

Псалтыр 34:22

Господьӧй, эн чӧв ов, Тэ ӧд аддзылін тайӧс, Ыджыдӧй, эн ылыстчы меысь.

Псалтыр 46:5

Сійӧ бӧрйис да вичмӧдіс миянлы му, тайӧ мунас ошйысис Сылӧн муса Яков.

Псалтыр 46:6

Гажӧдчан шы улӧ Господь Ен пуксис юралан пуклӧсӧ, буксан шы улӧ Сійӧ пуксис юравны.

Псалтыр 62:2

Енмӧй, Тэ менам Енмӧй. Водз асывсяньыс ме корся Тэнӧ, менам лолӧй гажтӧмтчӧ Тэысь, менам вир-яйӧй виччысьӧ Тэнӧ, нярмӧ куш да ватӧм овтӧминын.

Псалтыр 62:3

Ме ёна кӧсъя аддзыны Тэнсьыд вынтӧ да дзирдлунтӧ, кыдзи водзын ме аддзывлі Тэнӧ вежаинын.

Псалтыр 62:6

Менам сьӧлӧмӧй бурмӧ чӧскыд да пӧтӧса сёянысь моз, менам вомӧй долыда ошкӧ Тэнӧ.

Псалтыр 62:7

Вольпасьын ме казьтывла Тэнӧ, войся кадӧ мӧвпала Тэ йылысь.

Шусьӧгъяс 10:25

Тӧвныр мунас – и лёк вӧчысь бырӧ, а веськыда олысь бырлытӧм подув вылын сулалӧ.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 14:32

Мый вочавидзны йӧз муысь юӧр вайысьяслы? Вочавидзӧй налы тадзи: Господь зумыда сувтӧдіс Сион, Сылӧн войтырысь коньӧръяс аддзасны сэні сайӧдчанін.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Исай 26:4

Лачанытӧ пыр кутӧй Господь вылӧ, ӧд Господь Ен – нэмъяс чӧж сулалысь изкырта.

Исай 51:11

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 51:16

Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Исай 51:8

Паськӧмӧс моз найӧс воз сёяс, вурунӧс моз йирас-бырӧдас. Но Менам веськыдлунӧй пыр лоӧ, Меӧн мӧдӧдӧм мездмӧмыс лоӧ нэмъяс чӧж.

Исай 52:1

Садьмы, Сион, чеччы, вевттьысь аслад вынӧн! Ерусалим, вежа кар, пасьтав ассьыд дзирдлуна паськӧмтӧ! Тэнад туйяс вывті оз нин кут ветлыны вундыштчытӧм да пеж оласнога.

Авдий 1:21

Вермысьяс каясны Сион керӧс вылӧ, медым ыджыдавны Исав керӧс вылын. И Господь лоас сэні ӧксыӧн.

Микей 4:2

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Закар 1:14

Та бӧрын мекӧд сёрнитысь андел шуис меным: «Юӧрт йӧзыслы, мый Господь Саваоф тадзи висьталӧ: – Ме вежӧгтӧмӧдз радейта Ерусалимӧс, ёна вежӧгтӧмӧй вӧсна доръя Сионӧс.

Закар 1:17

Нӧшта юӧрт, мый Господь Саваоф тадзи висьталӧ: – Менам каръясын бара пуксяс бур олӧм. Господь бара бурӧдас Сионӧс, выльысь бӧръяс Ерусалим кар».

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.

Восьтӧм 14:1

Сэсся ме видзӧдлі да аддзи, мый Сион керӧс вылын сулалісны Баля да Сыкӧд орччӧн сё нелямын нёль сюрс морт. Налӧн плешканыс вӧлі гижӧма Сылӧн Батьлысь нимсӧ.