Псалтыр 118:24 - Коми Библия 2023

²⁴ Тэнад индӧдъясыд бурӧдӧны менсьым сьӧлӧмӧс, тшӧктӧмъясыд туйдӧдӧны менӧ.

Псалтыр 118:24 Kruisverwysings

Ӧксыяслӧн 3 небӧг 8:66

Гажӧдчан лунъяс помасьӧм бӧрын Соломон лэдзис войтырсӧ. Найӧ бурсиисны ӧксыӧс да мунісны гортаныс долыд сьӧлӧмӧн, нимкодясисны став бурсьыс, мый Господь вӧчис Аслас Давид кесйӧглы да Аслас Израиль войтырлы.

Неемий 8:10

Мунӧй гортаныд да чӧскыда сёйӧй-юӧй. Юксьӧй сёян-юаннад накӧд, кодлӧн нинӧм абу дасьтӧма, ӧд тайӧ лунсӧ вежӧдӧма миян Господьлы. Энӧ шогсьӧй, ӧд Господь водзын нимкодясьӧм ёнмӧдӧ тіянӧс».

Псалтыр 84:10

Сійӧ регыд нин мездас Сыысь полысьясӧс, Сылӧн дзирдлуныс лоас миян му вылын.

Исай 58:13

Тэ кӧ видзан коктӧ шойччан лун торкӧмысь, он кӧ ов аслад кӧсйӧм серти Менам вежа лунӧ, шуан кӧ шойччан лунсӧ олан гажӧн, пыдди пуктан кӧ Господьлысь вежа лунсӧ, видзан кӧ асьтӧ быдлунся удж вӧчӧмысь, ас кӧсйӧм серти олӧмысь да нинӧм абусӧ сёрнитӧмысь,

Закар 3:9

Со, Ме пукті Исус водзӧ сизим синма из. Ме вундалӧмӧн гижа сэтчӧ кывъяс, – висьталӧ Господь Саваоф, – да ӧти здукӧн босьта тайӧ муыслысь мыжсӧ.

Ап. уджъяс 20:7

Вежонса медводдза лунӧ сэтчӧс велӧдчысьяс чукӧртчисны нянь чегны. Павеллы аскинас колӧ вӧлі петны туйӧ, та вӧсна сійӧ дыркодь сёрнитіс накӧд. Сёрниыс нюжаліс войшӧрӧдз.

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.