Псалтыр 114:4 - Коми Библия 2023

⁴ Сэки ме шыаси Господь дінӧ: «Господьӧй, мезды менӧ!»

Псалтыр 114:4 Kruisverwysings

Псалтыр 18:7

Сійӧ кытшовтӧ енэжсӧ помсянь помӧдзыс, и сылӧн шоныдыс быдӧнӧдз воӧ.

Псалтыр 29:6

Сылӧн скӧралӧмыс сӧмын здук кежлӧ, а бурлуныс – став олӧм чӧж. Рытнас кылӧ бӧрдӧм, а асывнас – нимкодясьӧм.

Псалтыр 39:6

Господьӧй, менам Енмӧй, Тэ вӧчин уна шензьӧданатор, Тэ дугдывтӧг мӧвпалан миян йылысь. Кодӧс позяс ӧткодявны Тэкӧд? Ме эськӧ кӧсйи висьтавны Тэнад уджъясыд йылысь, но весиг лыддьӧдлынысӧ ог вермы найӧс.

Псалтыр 68:16

Вабергачыс мед оз кыскы менӧ, джуджыд ваыс мед оз ньылышт менӧ, гуыс мед оз тупкы ассьыс вомсӧ менам юр весьтын.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Петӧм 20:18

Став войтырыс аддзис гымалӧм-чардалӧм да тшынасьысь керӧс, кыліс буксан шы. Тайӧс аддзӧмысь найӧ бӧрыньтчӧмӧн сувтісны ылӧджык.

Наум 1:5

Сы водзын дзӧрӧны керӧсъяс, тіралӧны мылькъяс. Муыс тіралӧ Сы водзын, дзӧрӧны муюгыдыс да став сэні олысьыс.

Аввакум 3:6

Кор Сійӧ сувтӧ, муыс вӧрзьылӧ. Кор Сійӧ видзӧдлӧ, войтыръясӧс дзӧрӧм босьтӧ. Нэмӧвӧйся керӧсъяс потласьӧны-киссьӧны, важдырся мылькъяс муас пырӧны, а Господьлӧн туйясыс – бырлытӧмӧсь.

Аввакум 3:8

Господьӧй, Тэ пуксин Аслад вӧвъяс вылӧ, Аслад тарантасъясӧн петін, медым вермыны. Юяс вылӧ ӧмӧй Тэ скӧралан, шоръяс вылӧ ӧмӧй лӧглуныд петӧ, саридз вылӧ ӧмӧй скӧрлуныд киссьӧ?

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.