Псалтыр 111:9 - Коми Библия 2023

⁹ Сійӧ лышкыда разӧдӧ, сеталӧ гӧльяслы, сылӧн веськыда вӧчӧмыс кутас овны нэмъяс чӧж, сійӧ олӧ юрсӧ лэптӧмӧн, ӧд сійӧс пыдди пуктӧны.

Псалтыр 111:9 Kruisverwysings

Ӧксыяслӧн 2 небӧг 23:5

Абу-ӧ татшӧм менам рӧдӧй Ен водзын? Енмыс пыр кежлӧ кӧрталіс мекӧд йитӧд – зумыдӧс да вежсьывлытӧмӧс. Быд кадӧ Сійӧ мездыліс менӧ, збыльмӧдліс менсьым кӧсйӧмъясӧс.

1 Каднебӧг 16:15

Некор энӧ вунӧдӧй Сылысь тіянкӧд кӧрталӧм йитӧдсӧ, Сылысь кывсӧ, мый Сійӧ пыр кежлӧ сетіс водзӧ чужысьяслы.

Псалтыр 111:5

Бур морт буралӧ мӧдыс дінӧ да водзӧсӧн сетӧ, ставсӧ вӧчӧ веськыдлун серти.

Псалтыр 89:7

Тэнад скӧралӧмысь ми бырам, Тэнад лӧгалӧмысь ми полам-тіралам.

Псалтыр 99:3

Тӧдӧй, мый Господь эм Ен. Сійӧ вӧчис миянӧс, и ми – Сылӧн, ми – Сылӧн войтырыс, Сылӧн йӧрысь ыжъясыс.

Псалтыр 99:5

ӧд Господь – бур, Сылӧн буралӧмыс оз помасьлы, чужысьяссянь чужысьясӧдз Сійӧ – эскана Ен.

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Петӧм 15:13

Аслад буралӧмнад Тэ нуӧдін войтыртӧ, кодӧс Тэ мездін, Аслад вынӧн Тэ нуӧдан найӧс вежа оланінад.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Малакий 2:2

– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.

Матвей 1:21

Марияыд чужтас пи, пуктан Сылы Исус ним, Сійӧ мездас Ассьыс войтырсӧ мыжъяссьыныс».

Лука 1:49

ӧд татшӧм ыджыдтор вӧчис меным Вынаыс. Сылӧн нимыс вежа!

Лука 1:68

– Ошка Господьӧс, Израильлысь Енсӧ! Сійӧ бергӧдчис Аслас войтырлань, дасьтіс сылы мездмӧм.

Ефесӧ 1:14

Тайӧ Лолыс эскӧдӧ миянӧс, мый миянлы вичмас Енлӧн кӧсйысьӧмыс, и миян вӧсна вештысьӧма. Сідзкӧ, ошкам Енсӧ Сылӧн дзирдлунысь!

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Индӧд 15:15

Тӧд, мый тэ [тшӧтш] вӧлін кесйӧг туйын Египет муын, и Господь, тэнад Енмыд, мездіс тэнӧ нартитӧм улысь. Та вӧсна талун ме тшӧкта тэныд тадзисӧ вӧчны.

Индӧд 28:58

Онӧ кӧ кутӧй овны тайӧ Индӧдлӧн став кывъясыс серти, мый гижӧма тайӧ небӧгас, да онӧ кутӧй повны асланыд Господь Енлӧн пыдди пуктана да повзьӧдана нимысь,

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Еврейяслы 9:12

Кристос пырис Вежасьыс-вежаинӧ эз кӧза вирӧн, эз ӧш вирӧн, а Аслас вирӧн. Тадзи Сійӧ ӧтчыдысь да пыр кежлӧ мездіс миянӧс мыжъясысь.

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.