Псалтыр 107:2 - Коми Библия 2023

² Енмӧй, менам сьӧлӧмӧй дась нин, кута сьывны да ошкыны Тэнӧ.

Псалтыр 107:2 Kruisverwysings

Псалтыр 106:10

Найӧ олісны пемыдас, сап пемыдас, вӧлі тырӧмаӧсь шогӧн, найӧс вӧлі дорӧма кӧртӧн,

Псалтыр 31:5

Но ме восьті Тэныд ассьым мыжӧс, эг дзеб ассьым лёк вӧчӧмӧс. Ме шуи: «Висьтася Господьлы аслам лёк вӧчӧмысь», и Тэ прӧститін менсьым мыжӧс.

Петӧм 15:16

Мед дзӧрӧны-полӧны найӧ! Тэнад вына киыд из сюръяӧ пӧртлӧ найӧс, кытчӧдз Тэнад войтырыд оз мун на дінті, войтырыд, кодӧс Тэ ньӧбин Аслыд.

Исай 35:9

Сэні оз паныдась лев, звер оз тыдовтчы сэні. Сэті ветлӧны сӧмын мездмӧмаяс.

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!

Исай 62:12

Найӧс шуасны Вежа войтырӧн, Господьлӧн мездмӧм йӧзӧн, а тэнӧ шуасны Мусаӧн, Карӧн, мый оз ло эновтӧма.

Исай 63:4

Ме инді водзӧс перъян лун, матыстчис Менсьым войтырӧс мездан воыс.

Еремей 15:21

Ме мезда тэнӧ лёк йӧзлӧн киысь, нетшышта тэнӧ дзескӧдысьяслӧн кабырысь.

Еремей 31:11

Господь вештысяс Яковлӧн рӧд вӧсна, мездас найӧс вынаджыклӧн киысь.

Микей 4:10

Кага чужтысь ань моз ойзы, дойыдла нюглясь, Сион нылӧй, ӧд ӧні тэ петан карсьыс, кутан овны видз-му вылын, мунан Вавилонӧдз. Но сэтысь тэнӧ лоӧ мездӧма, Господь мездас тэнӧ вӧрӧгыдлӧн киысь.

Лука 1:68

– Ошка Господьӧс, Израильлысь Енсӧ! Сійӧ бергӧдчис Аслас войтырлань, дасьтіс сылы мездмӧм.

Лука 1:74

Мустӧмтысьясысь мездмӧм бӧрын ми вермам повтӧг

Лука 24:21

Ми лача кутім, мый Сійӧ мездас Израильӧс. Но тайӧ абу на ставыс. Талун коймӧд лун нин лоӧмторсяньыс.

Галатӧ 3:13

Кристос ньӧбис миянӧс Индӧдыслӧн ёрӧм улысь, кор Сійӧс вӧлі ёрӧма миян пыдди. Ӧд гижӧма: «Ёрӧма быдӧнӧс, кодӧс ӧшӧдӧма пу вылӧ».

Индӧд 15:15

Тӧд, мый тэ [тшӧтш] вӧлін кесйӧг туйын Египет муын, и Господь, тэнад Енмыд, мездіс тэнӧ нартитӧм улысь. Та вӧсна талун ме тшӧкта тэныд тадзисӧ вӧчны.

Индӧд 7:8

Господь бӧрйис тіянӧс сы вӧсна, мый радейтӧ тіянӧс да вӧчӧ тіян батьяслы кыв сетӧмыс серти. Та вӧсна Господь вына кинас [да ён сойнас] мездіс тіянӧс фараонлӧн, египетса ӧксылӧн, нартитӧм улысь.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.