Псалтыр 101:2 - Коми Библия 2023

² Господьӧй, кыв менсьым кевмӧмӧс! Менам гораа бӧрдӧмӧй мед воас Тэнад пельӧдз.

Псалтыр 101:2 Kruisverwysings

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Ӧксыяслӧн 2 небӧг 8:15

Давид ӧксыаліс став Израиль муын. Ассьыс войтырсӧ мыждігӧн сійӧ быдӧнкӧд вӧлі веськыд.

Ӧксыяслӧн 3 небӧг 11:4

асланыс енъяс дорӧ. Пӧрысьладорыс Соломонлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид батьыслӧн.

Ӧксыяслӧн 3 небӧг 9:4

Кутан кӧ тэ ветлыны Менам чужӧмбан водзын Давид батьыд моз сӧстӧм сьӧлӧмӧн да веськыда, кутан кӧ вӧчны ставсӧ, мый Ме тшӧкта тэныд, кутан кӧ овны Менам индӧд-тшӧктӧмъяс серти,

2 Каднебӧг 15:17

Вись ваян мылькъяссӧ эз бырӧдны Израильысь, но та вылӧ видзӧдтӧг Асалӧн сьӧлӧмыс вӧлі йитчӧма Господькӧд став олӧм чӧжыс.

2 Каднебӧг 30:12

Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны.

Псалтыр 101:6

гораа бӧрдӧмӧйла менам сӧмын лы-кучикӧй коли.

Псалтыр 26:11

Господьӧй, велӧд менӧ ветлыны Тэнад туйӧд, менӧ мустӧмтысьяс понда сувтӧд менӧ веськыд туй вылӧ.

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Исай 38:3

«Господьӧй, казьтышт, мый ме олі Тэ водзын веськыда, став сьӧлӧмсянь кесъялі Тэныд да вӧчи Тэ водзын шогманасӧ». Сэсся Езекей ёна бӧрддзис.

Индӧд 6:7

Велӧд наӧ ныв-питӧ. Висьтав гортад и туйын, висьтав водігад и чеччигад.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Ӧксыяслӧн 1 небӧг 22:14

Ахимелек воча шуис ӧксылы: «Сюрас-ӧ кодкӧ тэнад кесйӧгъяс пиысь Давид кодь эсканаыс? Сійӧ ӧд тэнад зять, вӧчӧ тэнад тшӧктӧмъяс серти, и тэнад керкаын сійӧс пыдди пуктӧны.