Петӧм 8:16 - Коми Библия 2023

¹⁶ Господь шуис Мӧисейлы: «Тшӧкты Ааронлы нюжӧдны бедьсӧ да вачкыны муас, сэки став Египет му пасьтала мувыв бусыс пӧрас гебйӧ. [Войтыр вылӧ, ыж-мӧс вылӧ да фараон вылӧ сатшкысясны гебъяс. Фараонлӧн да сылӧн йӧзыслӧн керканыс тырас гебйӧн.]»

Петӧм 8:16 Kruisverwysings

Псалтыр 105:31

Та понда сійӧс лыддьӧны веськыда олысьӧн чужысьяссянь чужысьясӧдз нэмъяс чӧж.

Петӧм 4:23

Тшӧкта тэныд: лэдз Менсьым пиӧс юрбитны Меным. А он кӧ лэдз, Ме виа тэнсьыд медводдза чужысь питӧ».

Петӧм 5:1

Мӧисей да Аарон локтісны фараон дінӧ да шуисны сылы: «Господь, Израильлӧн Ен, тадзи висьталӧ: ”Лэдз Менсьым войтырӧс мунны овтӧминӧ, медым найӧ пасъясны Меным сиӧм гаж”».

Петӧм 8:15

Кор фараон аддзис, мый мынісны жабаясысь, сійӧ чорзьӧдіс сьӧлӧмсӧ, эз кут кывзыны Мӧисейӧс да Ааронӧс. Та йылысь водзвыв висьтавліс Господь.

Петӧм 8:17

Найӧ тадзи и вӧчисны. Аарон нюжӧдіс кисӧ бедьнас да вачкис мувыв бусас, сэки петісны гебъяс да сатшкысисны йӧз да ыж-мӧс вылӧ. Египет му пасьтала мувыв бусыс пӧри гебйӧ.

Петӧм 8:18

Тунъяс кимӧститчӧмнас тшӧтш кӧсйисны тадзи вӧчны, но налӧн эз артмы. Кор гебйыс сапкысьӧма вӧлі йӧз да ыж-мӧс вылӧ,

Петӧм 8:5

Господь шуис Мӧисейлы: «Тшӧкты Аарон вокыдлы босьтны киас бедьсӧ да нюжӧдны сійӧс юяслань, писькӧдӧм шоръяслань да ва гӧпъяслань. Тадзи сійӧ петкӧдас жабаясӧс Египет му вылӧ».