Петӧм 7:13 - Коми Библия 2023

¹³ Фараонлӧн сьӧлӧмыс чорзис, сійӧ эз кут кывзыны Мӧисейӧс да Ааронӧс. Та йылысь [налы] водзвыв висьтавліс Господь.

Петӧм 7:13 Kruisverwysings

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

Петӧм 10:1

Господь шуис Мӧисейлы: «Мун фараон дінӧ. Ме чорзьӧді фараонлысь да сылӧн йӧзлысь сьӧлӧмнысӧ. Ме петкӧдла налы индысьпасъяс,

Петӧм 10:20

Но Господь чорзьӧдіс фараонлысь сьӧлӧмсӧ, и фараон эз лэдз Израиль пиянӧс.

Петӧм 10:27

Но Господь чорзьӧдіс фараонлысь сьӧлӧмсӧ, и фараон эз кӧсйы лэдзны Израиль войтырӧс.

Петӧм 14:17

Ме чорзьӧда [фараонлысь да] египетсаяслысь сьӧлӧмнысӧ, и найӧ вӧтчасны тіян бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став вӧла-тарантаса тышкайӧзкӧд.

Петӧм 4:21

Господь шуис Мӧисейлы: «Кор тэ воан Египетӧ, вӧч сэні фараон водзын став шензьӧданаторсӧ, мый Ме тшӧкті тэныд вӧчны. Ме чорзьӧда фараонлысь сьӧлӧмсӧ, и сійӧ оз лэдз Израиль войтырӧс.

Петӧм 7:12

Быдӧн на пиысь шыбитіс ассьыс бедьсӧ, и бедьясныс пӧрины змейясӧ, но Ааронлӧн беддьыс ньылыштіс найӧс.

Петӧм 7:14

Господь шуис Мӧисейлы: «Фараонлӧн сьӧлӧмыс пыксьӧ, сійӧ оз кӧсйы лэдзны войтырӧс.

Петӧм 7:22

Египетса тунъяс кимӧститчӧмӧн вӧчисны сійӧ жӧ, мый вӧчисны Мӧисей да Аарон. Фараонлӧн сьӧлӧмыс чорзис, сійӧ эз кут кывзыны Мӧисейӧс да Ааронӧс. Та йылысь водзвыв висьтавліс Господь.

Петӧм 8:11

Жабаяс вешъясны тэнад керкаясысь [да видз-му вылысь], тэныд кесъялысь йӧз да став войтырыд дінысь, найӧ колясны сӧмын Нил юын».

Петӧм 8:15

Кор фараон аддзис, мый мынісны жабаясысь, сійӧ чорзьӧдіс сьӧлӧмсӧ, эз кут кывзыны Мӧисейӧс да Ааронӧс. Та йылысь водзвыв висьтавліс Господь.

Петӧм 8:19

тунъяс шуисны фараонлы: «Тайӧс вӧчис Ен». Но фараонлӧн сьӧлӧмыс чорзис, сійӧ эз кут кывзыны найӧс. Та йылысь водзвыв висьтавліс Господь.

Петӧм 8:28

Фараон шуис: «Ме лэдза тіянӧс овтӧминӧ вись вайны Господьлы, тіян Енлы, сӧмын ылӧ энӧ мунӧй. Кевмысьӧй ме вӧсна [Господьлы]».

Петӧм 9:12

Господь чорзьӧдіс фараонлысь сьӧлӧмсӧ, и сійӧ эз кут кывзыны Мӧисейӧс да Ааронӧс. Та йылысь Господь водзвыв висьтавліс Мӧисейлы.

Петӧм 9:35

Фараон эз лэдз Израиль пиянӧс аслас [да сылы кесъялысь йӧзлӧн] чорыд сьӧлӧм вӧсна. Та йылысь Господь водзвыв висьтавліс Мӧисей пыр.

Петӧм 9:7

Фараон тшӧктіс тӧдмавны, збыльысь-ӧ Израиль войтырлӧн весиг ӧти пемӧс эз кув. Тайӧс тӧдмалӧм бӧрын фараон чорзьӧдіс сьӧлӧмсӧ да эз лэдз Израиль войтырӧс.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Индӧд 2:30

Но хешбонса Сигон ӧксы эз лэдз миянӧс мунны аслас муӧд, ӧд Господь, тіян Енныд, чорзьӧдіс Сигонлысь сьӧлӧмсӧ, медым сетны сійӧс тіян киӧ. Тадзи ставыс артмис.

Еврейяслы 3:13

Быд лун ышӧдӧй ӧта-мӧднытӧ, кытчӧдз позьӧ на шуны ”талун”, мед тіян пиысь некодлӧн эз чорзьы сьӧлӧмыс мыжыслӧн ылӧдлӧм вӧсна.

Ӧксыяслӧн 1 небӧг 6:6

Энӧ чорзьӧдӧй сьӧлӧмнытӧ, кыдзи коркӧ чорзьӧдчисны египетсаяс да фараон. Найӧ лэдзисны Израиль войтырӧс Египет муысь сӧмын сэки, кор Господь петкӧдліс Ассьыс вынсӧ.