Петӧм 6:8 - Коми Библия 2023

⁸ Ме нуӧда тіянӧс муӧ, мый киӧс лэптӧмӧн кӧсйыси сетны Ӧвраамлы, Исааклы да Яковлы. Ме сета сійӧс тіянлы, ӧд Ме – Господь».

Петӧм 6:8 Kruisverwysings

Олӧм 14:22

Но Ӧврам шуис содомса ӧксылы: «Лэпта киӧс Господьлань, енэжсӧ да мусӧ вӧчысь Медвылысса Енлань, да кыв сета,

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Олӧм 26:3

Кольччы татчӧ. Ме бурсиа тэнӧ да лоа тэкӧд. Тэныд да тэсянь чужысьяслы сета ставнас тайӧ мусӧ, збыльмӧда Ӧвраам батьыдлы сетӧм кывйӧс.

Олӧм 28:13

Господь сулаліс сэні да шуис: «Ме Господь, тэнад Ӧвраам батьлӧн Ен да Исааклӧн Ен. [Эн пов.] Мусӧ, кӧні тэ куйлан, Ме сета тэныд да тэсянь чужысьяслы.

Олӧм 35:12

Мусӧ, мый Ме кӧсйыси сетны Ӧвраамлы да Исааклы, Ме сета тэныд да тэсянь чужысьяслы.

Неемий 9:15

Тшыгъяліганыс Тэ сетін налы енэжсянь нянь, горш косьмиганыс Тэ изкыртаысь перйин налы ва. Тэ тшӧктін налы мунны да босьтны аслыныс му, мый китӧ лэптӧмӧн кӧсйысин сетны налы.

Петӧм 13:5

Господь [тіян Енныд] кыв сетӧмӧн кӧсйысис тіян батьяслы, мый сетас тіянлы ханаансаяслысь, хеттейяслысь, аморейяслысь, хивейяслысь да евуссаяслысь [и гергесейяслысь да перезейяслысь] мусӧ, кӧні визувтӧ йӧв да ма. Кор Сійӧ вайӧдас тіянӧс сэтчӧ, сэки тайӧ тӧлысяс ті вӧчӧй тшӧктӧмыс серти.

Петӧм 32:13

Эн вунӧд Ассьыд Ӧвраам, Исаак да Израиль [Яков] кесйӧгъястӧ. Тэ ӧд Ачыд кыв сетӧмӧн шуин налы: ”Ме сета тіянлы уна чужысьӧс, найӧ лоӧны енэжвыв кодзувъяс мында. А муыс, мый Ме кӧсйыси сетны тіянсянь чужысьяслы, лоас налӧн пыр кежлӧ”».

Петӧм 6:2

Ен шуис Мӧисейлы: «Ме – Господь.

Петӧм 6:4

Ме кӧрталі накӧд йитӧд, кӧсйыси сетны налы Ханаан му, кӧні найӧ вӧліны ветлысь-мунысьяс.

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Езекиль 20:15

Овтӧминын Ме киӧс лэптӧмӧн кыв сеті налы, мый ог петкӧд найӧс сійӧ муас, мый кӧсйыси сетны налы, мича да бур муӧ, кӧні визувтӧ йӧв да ма.

Езекиль 20:23

Овтӧминын Ме киӧс лэптӧмӧн кыв сеті налы, мый разӧда найӧс войтыръяс пӧвстӧ, шыблала найӧс мукӧд муясӧ

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 20:42

Ті тӧдмаланныд, мый Ме – Господь, кор Ме вайӧда тіянӧс Израиль муӧ, мый киӧс лэптӧмӧн кӧсйыси сетны тіян батьяслы.

Езекиль 36:7

Господь Ыджыдыс тадзи висьталӧ: киӧс лэптӧмӧн Ме кыв сета, мый тіян гӧгӧр олысь войтыръясӧс лоӧ янӧдӧма.

Езекиль 47:14

Сетӧй быд чужанкотырлы ӧтыджда му. Ме киӧс лэптӧмӧн кӧсйыси сетны тайӧ мусӧ тіян батьяслы, та вӧсна сійӧ вичмас тіянлы.

Лыд 10:29

Мӧисей шуис Ховавлы, мадианса Регуэл тесьтыслӧн пилы: «Ми мӧдӧдчам сійӧ муас, мый Господь кӧсйысис сетны миянлы. Мунам миянкӧд, ми кутам тӧждысьны, мый тэныд бур лоас, ӧд Господь кӧсйысис Израильлы бур вӧчны».

Лыд 11:12

Ме ӧмӧй новлӧдлі найӧс кынӧмын, ме ӧмӧй чужті найӧс? Мыйла Тэ пуктін менӧ кага видзысьӧ, пуктін моздорын новлӧдлыны тайӧ войтырсӧ? Мыйла Тэ тшӧктін менӧ нуны найӧс муӧ, мый йылысь кыв сетін налӧн батьяслы?

Лыд 14:30

Ті онӧ пырӧй сійӧ муас, кытчӧ Ме киӧс лэптӧмӧн кӧсйысьлі овмӧдны тіянӧс. Сэтчӧ пырасны сӧмын Ефуннилӧн Калев пиыс да Навлӧн Исус пиыс.

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Индӧд 32:40

Ме кыпӧда киӧс енэжланьыс, [веськыд киӧс лэптӧмӧн] шуа: Ме – пыр олысь Ен,

Индӧд 4:31

Ӧд Господь, тіян Енныд – [бур да] мелі сьӧлӧма Ен. Сійӧ оз эновт да оз бырӧд тіянӧс. Сійӧ оз вунӧд, мый тіян батьяскӧд кыв сетӧмӧн кӧрталіс йитӧд.

Нав Исус 24:13

Ме сеті тіянлы му да каръяс. Ті энӧ мырсьӧй тайӧ муас, энӧ кыпӧдлӧй каръяссӧ, кӧні ті ӧні оланныд. Ті энӧ пуктылӧй виноград да олив пуяс, но ӧні ті сёянныд сэтысь вотӧссӧ”.

Восьтӧм 10:6

да кыв сетіс помтӧг Олысь водзын, коді вӧчис енэжсӧ да сэні олысьясӧс, мусӧ да сы вылын олысьясӧс, саридзсӧ да сы пытшкын олысьясӧс. Сійӧ кыв сетӧмӧн шуис: «Кадыс оз нин ло.

Ӧксыяслӧн 1 небӧг 15:29

Израильлӧн эскана Енмыс оз пӧръясь да оз соссьы Аслас кывъясысь. Сійӧ абу морт, мед вежны шуӧм кывсӧ».