Петӧм 5:2 - Коми Библия 2023

² Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Петӧм 5:2 Kruisverwysings

Ӧксыяслӧн 4 небӧг 18:35

Кутшӧмкӧ ен ӧмӧй мездіс ассьыс мусӧ менам киысь? Господь сідзжӧ оз вермы мездыны Ерусалимнытӧ менам киысь”».

2 Каднебӧг 32:14

Вермис ӧмӧй кутшӧмкӧ ен мездыны ассьыс войтырсӧ менам киысь? Менам батьясӧй ставнысӧ бырӧдісны. Тіян Енныд сідзжӧ оз вермы мездыны тіянӧс менам киысь.

2 Каднебӧг 32:15

Сідзкӧ, энӧ лэдзӧй Езекейлы ылӧдлыны тіянӧс. Энӧ эскӧй сылы. Оз сюр сэтшӧм войтырыс, кодлӧн енмыс эськӧ вермис мездыны ассьыс войтырсӧ менам киысь да менам батьяслӧн киысь. Тіян Енныд сідзжӧ оз мезды тіянӧс менам киысь”».

2 Каднебӧг 32:19

Найӧ шуалісны, мый ерусалимсаяслӧн Енмыс сэтшӧм жӧ, кутшӧм мукӧд войтыръяслӧн енъясыс, кодъясӧс вӧчӧма морт киӧн.

Неемий 9:10

Тэ петкӧдлін индысьпасъяс да шензьӧданаторъяс фараонлы, сылӧн кесйӧгъяслы да сылӧн муын став олысьыслы, ӧд Тэ тӧдін, кутшӧм ёна египетса увтыртісны миянлысь батьяснымӧс. Тэ кыпӧдін Ассьыд нимтӧ, ӧнӧдз сійӧ ошкана.

Иов 15:25

Тайӧ лои сыысь, мый сійӧ кисӧ лэптіс Енлы паныд, пыксис Ставсӧвермысьлы,

Иов 15:26

ышнясьӧмӧн сувтіс Сылы паныд кыз сайӧдӧн тупкысьӧмӧн.

Иов 21:15

Коді сійӧ Ставсӧвермысьыс, мед ми кесъялім Сылы? Мый бурсӧ ваяс миянлы Сы дінӧ шыасьӧмыс?»

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Псалтыр 12:4

Господьӧй, менам Енмӧй, видзӧдлы ме вылӧ да вочавидз меным. Сет меным аддзыны Тэнсьыд югыдтӧ, медым ме эг унмовсь кулана унмӧн,

Псалтыр 12:5

медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.

Псалтыр 14:1

Давидлӧн псалом. Господьӧй, коді вермас лоны Тэнад оланінын? Коді вермас овны Тэнад вежа керӧс вылын?

Петӧм 3:19

Ме тӧда, мый [фараон] египетса ӧксы оз кут лэдзны тіянӧс, кытчӧдз Менам вына киӧй оз инмӧдчы сылы.

Петӧм 7:17

та вӧсна Господь тадзи висьталӧ: ӧні тэ тӧдмалан, мый Ме – Господь. Тайӧ бедьнас ме вачка Нил юлӧн ва веркӧсас, и ваыс пӧрас вирӧ.

Шусьӧгъяс 30:9

Коланасьыс унджык мед оз ло менам, ӧд сэки ме верма бергӧдчыны Тэысь, верма шуны: «Ог тӧд Господьӧс». А гӧльма кӧ, пета гусясьны да Тэнсьыд нимтӧ, Енмӧй, янӧда.

Еремей 42:13

Но ті кӧ онӧ кывзысьӧй Господьлысь, асланыд Енлысь, а шуанныд, тайӧ муас пӧ ми огӧ кӧсйӧй овны,

Еремей 48:26

Юктӧдӧй Моавӧс коддзытӧдзыс, ӧд сійӧ кыпӧдчис Господьлы паныд. Мед сійӧ туплясяс аслас вос пытшкын, мед ачыс лоӧ серамтуйын.

Даниил 3:15

Но талунсянь лоӧй дасьӧсь. Кор ті кыланныд буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, сэки кымынь уськӧдчӧмӧн копыртчылӧй меӧн сувтӧдӧм бӧлбанлы. А онӧ кӧ копыртчылӧй, тіянӧс дзик пыр шыбитасны ыпъялысь пачӧ. Кутшӧм Ен сэки вермас мездыны тіянӧс менам киысь?»

Иоан 16:3

Найӧ вӧчасны тадзи, ӧд Батьӧс да Менӧ найӧ оз тӧдны.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

Ёрдысьяс 2:10

Нав Исус дырйи олысьяс вуджисны батьясныс дінӧ. На бӧрын быдмӧм войтырыс эз тӧд Господьӧс да уджъяссӧ, мый Сійӧ вӧчис Израиль войтырлы.

Ӧксыяслӧн 1 небӧг 2:12

Илийлӧн пияныс вӧліны шогмытӧм йӧз, найӧ эз тӧдны Господьӧс

Ӧксыяслӧн 1 небӧг 25:10

Навал [чеччыштіс да] шуис Давидлӧн кесйӧгъяслы: «Коді сэтшӧм Давидыс? Коді сійӧ Ессейлӧн пиыс? Ӧні вывті уна кесйӧг пышъялӧны асланыс ыджыдъясысь.