Петӧм 40:10 - Коми Библия 2023

¹⁰ Мавтышт сотан висьлы висьпуктанінсӧ да став дозмук-кӧлуйсӧ. Тадзи тэ вежӧдан висьпуктанінсӧ, и сійӧ лоӧ вежасьыс-вежа.

Петӧм 40:10 Kruisverwysings

Петӧм 30:29

Вежӧд найӧс, и найӧ лоӧны вежасьыс-вежаӧсь. Ставыс, мый инмас наӧ, лоӧ вежа.

Петӧм 40:11

Мавтышт мыссян доз да сылысь коксӧ. Тадзи тэ вежӧдан найӧс.

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Левит 6:17

Няньсӧ шоммӧдӧмӧн пӧжавны оз позь. Аслам висьысь тайӧ пайсӧ Ме инді Ааронлы да сысянь чужысьяслы. Мыжысь вись да мыж вештан вись моз тайӧ пайыс вежасьыс-вежатор.

Левит 8:11

Висьпуктанінсӧ сизимысь резіс выйӧн, мавтыштіс сійӧс да став дозмук-кӧлуйсӧ, тшӧтш мыссян дозсӧ да сылысь коксӧ. Тадзи вежӧдіс найӧс.

Лука 1:35

Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.

Иоан 17:19

Ачымӧс Ме сета Тэныд на вӧсна, медым збыльыс вежӧдас найӧс.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.