Петӧм 4:23 - Коми Библия 2023

²³ Тшӧкта тэныд: лэдз Менсьым пиӧс юрбитны Меным. А он кӧ лэдз, Ме виа тэнсьыд медводдза чужысь питӧ».

Петӧм 4:23 Kruisverwysings

Псалтыр 105:36

юрбитісны налӧн идолъяслы да шедісны налӧн налькйӧ.

Псалтыр 135:8

Вӧчис шонді, медым веськӧдлыны лунӧн, Сылӧн буралӧмыс оз помасьлы.

Петӧм 10:3

Мӧисей Ааронкӧд локтісны фараон дінӧ да шуисны сылы: «Господь, еврейяслӧн Ен, тадзи висьталӧ: ”Дыр-ӧ на тэ он раммӧдчы Ме водзын? Лэдз Менсьым войтырӧс, медым найӧ юрбитасны Меным.

Петӧм 10:4

А он кӧ лэдз Менсьым войтырӧс, аски [тайӧ кадас] тэнад му вылӧ Ме ыста саранча.

Петӧм 11:5

Сэки Египет муын кулас быд медводдза чужысь, ыджыдалысь фараонлӧн-ӧ сійӧ либӧ изки бердын уджалысь кесйӧг аньлӧн. Весиг ыж-мӧслӧн став медводдза чужысьыс кулас.

Петӧм 12:29

Войшӧр кадӧ Господь виис медводдза чужысьясӧс Египет муысь – юралысь фараонлӧн медводдза чужысьсянь да дзескыдінын пукалысьлӧн медводдза чужысьӧдз ставныс кулісны. Весиг ыж-мӧслӧн став медводдза чужысьыс куліс.

Петӧм 13:15

Кор фараон пыксис да эз лэдз миянӧс, Господь виис Египетысь став медводдза чужысьсӧ йӧз пӧвстысь и ыж-мӧс пӧвстысь. Та вӧсна ыж-мӧслысь став медводдза ай чужысьсӧ ме вая Господьлы вись пыдди, а аслам медводдза чужысь пиысь ме вештыся”.

Петӧм 18:8

Мӧисей висьталіс тесьтыслы ставсӧ, мый Господь вӧчис фараонлы да Египетлы Израиль вӧсна. Висьталіс, кутшӧм сьӧкыдлунъяс вӧліны налӧн туяныс, да кыдзи Господь мездіс найӧс [фараон да египетса киысь].

Петӧм 3:18

Израильса юрнуӧдысьяс кывзасны тэнӧ да мунасны тэкӧд [фараон дінӧ]. Кор локтанныд египетса ӧксы дінӧ, шуӧй сылы: ”Господь, еврейяслӧн Ен, корис миянӧс. Лэдз миянӧс овтӧминӧ куим лун мунан ылнаӧ. Сэні ми вись ваям Господьлы, асланым Енлы”.

Петӧм 5:1

Мӧисей да Аарон локтісны фараон дінӧ да шуисны сылы: «Господь, Израильлӧн Ен, тадзи висьталӧ: ”Лэдз Менсьым войтырӧс мунны овтӧминӧ, медым найӧ пасъясны Меным сиӧм гаж”».

Петӧм 6:11

«Мун фараон дінӧ, египетса ӧксы дінӧ, да шу, мед лэдзас Израиль пиянӧс мунны аслас муысь».

Петӧм 7:16

да шу фараонлы: Господь, еврейяслӧн Ен, мӧдӧдіс менӧ висьтавны тэныд, мед тэ лэдзан Сылысь войтырсӧ овтӧминӧ юрбитны Сылы. Тэ эн кывзысь,

Петӧм 8:1

Господь шуис Мӧисейлы: «Мун фараон дінӧ да висьтав сылы, мый Господь тадзи висьталӧ: лэдз Менсьым войтырӧс, медым найӧ юрбитасны Меным.

Петӧм 8:16

Господь шуис Мӧисейлы: «Тшӧкты Ааронлы нюжӧдны бедьсӧ да вачкыны муас, сэки став Египет му пасьтала мувыв бусыс пӧрас гебйӧ. [Войтыр вылӧ, ыж-мӧс вылӧ да фараон вылӧ сатшкысясны гебъяс. Фараонлӧн да сылӧн йӧзыслӧн керканыс тырас гебйӧн.]»

Петӧм 8:17

Найӧ тадзи и вӧчисны. Аарон нюжӧдіс кисӧ бедьнас да вачкис мувыв бусас, сэки петісны гебъяс да сатшкысисны йӧз да ыж-мӧс вылӧ. Египет му пасьтала мувыв бусыс пӧри гебйӧ.

Петӧм 8:20

Господь шуис Мӧисейлы: «Аски чеччы водз да мун ю дорӧ. Сэні фараонкӧд паныдасигӧн шу сылы, мый Господь тадзи висьталӧ: лэдз Менсьым войтырӧс, медым [овтӧминын] найӧ юрбитасны Меным.

Петӧм 9:1

Господь шуис Мӧисейлы: «Мун фараон дінӧ да висьтав сылы, мый Господь, еврейяслӧн Ен, тадзи висьталӧ: лэдз Менсьым войтырӧс, медым найӧ юрбитасны Меным.

Петӧм 9:13

Господь шуис Мӧисейлы: «Аски чеччы водз, мун фараон дінӧ да висьтав сылы, мый Господь, еврейяслӧн Ен, тадзи висьталӧ: лэдз Менсьым войтырӧс, медым найӧ юрбитасны Меным.

Петӧм 9:2

Он кӧ лэдз Менсьым войтырӧс да водзӧ кӧ кутан пыксьыны,

Осий 11:1

– Кор Израиль вӧлі том на, сійӧ вӧлі муса Меным. Египет муысь Ме кори пиӧс.