13 Мӧисей корис: «Господьӧй, ысты кодӧскӧ мӧдӧс».
Господь, енэжыслӧн [да муыслӧн] Ен, коді петкӧдіс менӧ бать керкаысь да чужан муысь, коді сёрнитіс мекӧд да кыв сетіс, мый тайӧ мусӧ сетас [меным да] месянь чужысьяслы, мӧдӧдас Ассьыс анделсӧ тэ водзын, и тэ сэтысь ваян Исаак пиӧйлы гӧтырсӧ.
Локтана бур воясас мед чукӧртасны каръясӧ быдсикас сёянсӧ да сетасны тӧдны та йылысь фараонлы.
Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.
ачыс муніс овтӧминӧ лунтыр мунан ылнаӧ да пуксис пу улӧ. Сэні пондіс кевмыны аслыс кулӧм: «Тырмас, Господьӧй, меным овнысӧ. Босьт менсьым лолӧс, ме ӧд абу бурджык аслам батьяс дорысь».
«Ме ыста тіян водзвылын Ассьым анделӧс. Сійӧ мед видзас тіянӧс туяныд да нуӧдас Меӧн дасьтӧм местаӧ.
Но Мӧисей вочавидзис: «Оз кӧ эскыны, оз кывзыны менӧ, а шуасны, эз пӧ петкӧдчыв тэныд Господь? [Сэки мый ме шуа налы?]»
Мун, Ме лоа тэкӧд. Ме сета тэныд, мый шуны».
Господь скӧрмис Мӧисей вылӧ да шуис: «Тэнад эм Аарон вок, Левий чужанкотырысь. Ме тӧда, мый сійӧ кужас [тэ пыдди] сёрнитны. Сійӧ локтӧ нин тэ дінӧ. Тэнӧ аддзас да, сьӧлӧмыс пондас нимкодясьны.
Ме вочавидзи: – Господьӧй Ыджыдӧй, ме ог куж сёрнитны, ӧд ме том на.
Ме шуи аслым, мый ог кут казьтывлыны Господь йылысь, ог кут висьтавлыны Сылӧн нимсянь. Но менам сьӧлӧмӧй биӧн ыпъяліс, менсьым лыясӧс сотіс, ме мудзи кутнысӧ, водзӧ ог вермы.
Иона шуис пышйыны Господьысь Фарсисӧ. Локтіс Иоппия карӧ. Сэні корсис Фарсисӧ мунысь корабль, мынтысис туйысь да пуксис сы вылӧ, мед кывтны Господьысь ылӧджык.
Корабльӧн веськӧдлысь локтіс сы дінӧ да шуис: «Мый тэ узян? Чеччы да кевмысь аслад Енлы. Гашкӧ, тӧд вылас усям Сылы да ловйӧн колям».
Морт Пи Ассьыс анделъяссӧ мӧдӧдас чукӧртны Аслас Юраланінысь став ыштӧдысьсӧ да лёк вӧчысьсӧ.
Исус вочавидзис: «Эскӧй Енсянь Мӧдӧдӧмалы. Тайӧ шогмана Енмыслы».
Господьлӧн андел Галгалсянь локтіс Бокимӧ [да Вефильӧ Израиль войтыр дінӧ] да шуис: «[Господь тадзи висьталӧ:] Ме петкӧді тіянӧс Египетысь да вайӧді муӧ, мый йылысь кыв сетӧмӧн кӧсйыси тіян батьяслы [мый сета тіянлы]. Ме шуи: ”Ассьым йитӧдӧс, мый кӧрталі тіянкӧд, некор ог торк.
