Петӧм 4:1 - Коми Библия 2023

¹ Но Мӧисей вочавидзис: «Оз кӧ эскыны, оз кывзыны менӧ, а шуасны, эз пӧ петкӧдчыв тэныд Господь? [Сэки мый ме шуа налы?]»

Петӧм 4:1 Kruisverwysings

Ӧксыяслӧн 3 небӧг 13:3

Енлӧн морт юӧртіс, мый петкӧдлас индысьпас. Сійӧ шуис: «Господь висьталіс, мый тайӧ висьпуктаніныс киссяс, и сы вылысь пӧимыс разалас».

Петӧм 2:14

Сійӧ вочавидзис: «Коді тэнӧ пуктіс миян вылын ыджыдалысьнас да миянӧс мыждысьнас? Гашкӧ, [тӧрытъя] египетсаӧс моз тэ тшӧтш кӧсъян вины менӧ?» Мӧисей повзис. Сійӧ мӧвпыштіс: «Тыдалӧ, тӧдмалісны, мый ме вӧчи».

Петӧм 3:15

Ен нӧшта шуис Мӧисейлы: «Висьтав Израиль пиянлы, мый Господь, налӧн батьяслӧн Ен, Ӧвраамлӧн Ен, Исааклӧн Ен да Яковлӧн Ен, мӧдӧдіс тэнӧ на дінӧ. Чужысьяссянь чужысьясӧдз Менӧ кутасны шуны Господьӧн. Тайӧ Менам нимӧй пыр кежлӧ.

Петӧм 3:16

Мун, чукӧрт Израиль войтырлысь юрнуӧдысьяссӧ да шу налы, мый Господь, налӧн батьяслӧн Ен, Ӧвраамлӧн, Исааклӧн да Яковлӧн Ен, петкӧдчис тэныд да висьталіс: ”Ме видзӧді тіян бӧрся да аддзи, кыдзи ті оланныд Египетын.

Петӧм 3:18

Израильса юрнуӧдысьяс кывзасны тэнӧ да мунасны тэкӧд [фараон дінӧ]. Кор локтанныд египетса ӧксы дінӧ, шуӧй сылы: ”Господь, еврейяслӧн Ен, корис миянӧс. Лэдз миянӧс овтӧминӧ куим лун мунан ылнаӧ. Сэні ми вись ваям Господьлы, асланым Енлы”.

Петӧм 4:10

«Ыджыдӧй, – шыасис Мӧисей Господь дінӧ, – ме абу кыв-вора и некор татшӧмнас эг вӧв. Весиг ӧні, кор Тэ сёрнитан мекӧд, Аслад кесйӧгкӧд, ме сьӧкыда да мыкталӧмӧн сёрнита».

Петӧм 4:30

Аарон висьталіс налы ставсӧ, мый Господь шуис Мӧисейлы. Войтырыслӧн син водзын Мӧисей петкӧдліс индысьпасъяс.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Петӧм 6:12

Мӧисей та вылӧ шуис Господьлы: «Израиль пиян кӧ эз кывзыны менӧ, кывзас-ӧ менӧ фараон? Ме ог куж сёрнитны».

Петӧм 6:30

А Мӧисей шуис Господьлы: «Ме ог куж сёрнитны, дай кывзас-ӧ менӧ фараон?»

Еремей 1:6

Ме вочавидзи: – Господьӧй Ыджыдӧй, ме ог куж сёрнитны, ӧд ме том на.

Езекиль 3:14

Лов кыпӧдіс менӧ да нуӧдіс сэтысь. Ме муні курыд сьӧлӧмӧн да ёна дӧзмӧмӧн, Господьлӧн киыс личкис менӧ.

Ап. уджъяс 7:25

Мӧисей чайтіс, вокъясыс гӧгӧрвоасны, мый Енмыс кӧсйӧ мездыны найӧс сы пыр, но найӧ тайӧс эз гӧгӧрвоны.

Ёрдысьяс 6:17

Гедеон шуис Сылы: «Ме кӧ шогмана Тэныд, сет тӧдны, мый Тэ Ачыд сёрнитан мекӧд.