Петӧм 33:7 - Коми Библия 2023

⁷ Израиль войтырлӧн сувтанін сайӧ, налӧн чомъясысь ылӧджык, Мӧисей сувтӧдіс чом да нимтіс сійӧс паныдасян чомйӧн. Чом дорас ветлывлісны Господьӧс корсьысьяс.

Петӧм 33:7 Kruisverwysings

Ӧксыяслӧн 2 небӧг 21:1

Давидлӧн ӧксыалан кадӧ куим во чӧж вӧлі тшыгъялӧм. Давид сэки шыасис Господь дінӧ. Господь шуис: «Тайӧ лои Саул да сылӧн рӧдвуж понда. Найӧ мыжаӧсь Гаваонын олысьяслысь вирсӧ кисьтӧмысь, ӧд найӧс Саул виис».

Псалтыр 10:1

Сьылысьясӧн веськӧдлысьлы. Давидлӧн псалом. Господь вылӧ ме лача кута. А ті шуанныд меным: «Лэбзьы керӧс вылӧ лэбач моз!»

Псалтыр 27:8

Господь – Аслас войтырлӧн выныс, Аслас мавтыштӧмалӧн Дорйысьыс да Мездысьыс.

Петӧм 18:12

Мӧисейлӧн Иофор тесьтыс вайис Енлы сотан да мукӧд висьяс. Аарон да став израильса юрнуӧдысьяс локтісны да Мӧисейлӧн тесьтыскӧд сёйисны Ен водзын.

Петӧм 18:7

Мӧисей воча петіс аслас тесьтыслы, копыртчыліс сылы да окыштіс сійӧс, сэсся ӧта-мӧдыскӧд чолӧмасьӧм бӧрын найӧ пырисны чомйӧ.

Петӧм 33:6

Израильсаяс пӧрччисны ас вывсьыныс мичмӧдчанторъяссӧ Хорив керӧс бокын.

Петӧм 33:8

Кор Мӧисей восьлаліс паныдасян чомлань, израильсаяс асланыс чомъяс дорын сулалӧмӧн видзӧдісны Мӧисей бӧрся, кытчӧдз сійӧ эз пыр чомйӧ.

Шусьӧгъяс 15:29

Лёк вӧчысь дінысь Господь ылын, а веськыда олысьлысь кевмысьӧмсӧ Сійӧ кылӧ.

Исай 59:2

Но тіян лёк вӧчӧмъясныд торйӧдісны тіянӧс Енсьыныд, тіян мыжъясныд вӧсна Сійӧ бергӧдчис тіянысь да оз кывзы.

Осий 9:12

Весиг кӧ быдтасны челядьнысӧ, Ме босьта найӧс. Курыд шог лоӧ Ефремлы, кор Ме бергӧдча сыысь.

Индӧд 4:29

Но сэні кӧ кутанныд корсьны Господьӧс, ассьыныд Ентӧ, ті аддзанныд Сійӧс, сӧмын кутанныд кӧ корсьны став сьӧлӧмнад да став олӧмнад.

Еврейяслы 8:2

да кесъялӧ енэжвывса вежаинын, Енлӧн збыль вежа чомйын. Тайӧ вежа чомсӧ сувтӧдіс Господь, а эз морт.