Петӧм 33:4 - Коми Библия 2023

⁴ Тайӧ чорыд кывъяссӧ кылӧм бӧрын войтырыс кутіс бӧрдны. Найӧ пӧрччисны ас вывсьыныс мичмӧдчанторъяссӧ.

Петӧм 33:4 Kruisverwysings

Ӧксыяслӧн 2 небӧг 19:24

Саул Ионафанлӧн Мепибошет пиыс тшӧтш локтіс вочаавны ӧксыӧс. Ӧксылӧн Ерусалимысь петӧмсянь да тайӧ лунӧдзыс, кор сійӧ бӧр локтіс ловъяӧн да дзоньвидзаӧн, Мепибошет эз мыськавлы коксӧ, [эз тшӧтшӧдлы гыжсӧ,] эз шырлы тошсӧ да эз пеславлы паськӧмсӧ.

Ӧксыяслӧн 3 небӧг 21:27

Иллялысь кывъяссӧ кылӧм бӧрын Ахав [раммӧдчис Господь водзын да бӧрдӧмӧн ветлӧдліс,] косяліс ассьыс паськӧмсӧ, пасьталіс шогалан паськӧм да пондіс видзавны. Ахав ветлӧдліс юрсӧ ӧшӧдӧмӧн, весиг узьліс шогалан паськӧмнас.

Ӧксыяслӧн 4 небӧг 19:1

Кор Езекей ӧксы кыліс та йылысь, сійӧ косяліс ассьыс паськӧмсӧ. Сэсся пасьталіс шогалан паськӧм да муніс Господьлӧн крамӧ.

Ездра 9:3

Тайӧс кылӧм бӧрын ме косялі паськӧмӧс, понді нетшкыны юрсиӧс да тошкӧс. Ме пукалі ыджыд шогын.

Иов 1:20

Иов чеччис да косяліс вылыс паськӧмсӧ, юрсисӧ шырис да кымынь уськӧдчис муас.

Иов 2:12

Найӧ ылісянь на аддзисны Иовӧс, но эз тӧдны сійӧс. Сэки найӧ пондісны ырзӧмӧн бӧрдны, косялісны паськӧмнысӧ да юр весьтаныс коялісны му енэжланьыс.

Петӧм 33:6

Израильсаяс пӧрччисны ас вывсьыныс мичмӧдчанторъяссӧ Хорив керӧс бокын.

Исай 32:11

Полӧй-тіралӧй, тӧждысьтӧмъяс, дзӧрмӧн тіралӧй, шог тӧдтӧмъяс! Пӧрччӧй паськӧмнытӧ, пасьталӧй шогалан паськӧм!

Езекиль 24:17

Ас кежсьыд сьӧлӧмад шогсьы, кулӧма вӧсна бӧрдӧдчӧм эн вӧч. Шогалысьяслы вайӧм нянь эн сёй, чужӧмтӧ эн тупкы, быд лунӧ моз ов юркӧртӧдӧн да кӧмӧн».

Езекиль 24:23

Юрвевттьӧдныд лоас юр выланыд, кӧмныд – коканыд, ті онӧ кутӧй шогсьыны-бӧрдны, но асланыд мыжъяс вӧсна косьманныд-сісьманныд, матысса водзаныд кутанныд ышлолавны.

Езекиль 26:16

Саридздор муясын ӧксыяс асланыс юралан пуклӧсысь чеччасны, пӧрччасны вывсьыныс кышансӧ да вежасны серлӧдлӧм паськӧмнысӧ. Паськӧм моз найӧс полӧмыс вевттяс. Найӧ тіралӧмӧн пуксясны му вылӧ, ӧд весьӧпӧрасны сыысь, мый суис тэнӧ.

Осий 7:14

Ме дінӧ став сьӧлӧмнас шыасьӧм пыдди найӧ бӧрдісны асланыс вольпась вылын, нянь да вина понда найӧ вундалісны асьнысӧ, но Меысь ылыстчисны.

Левит 10:6

Ааронлы, сылӧн Элазар да Итамар пиянлы Мӧисей шуис: «Паськӧмнытӧ энӧ косялӧй, юрнытӧ вевттьӧй, медым ті энӧ кулӧй, и став войтырыс мед эз веськав Енлӧн скӧрлун улӧ. Но тіян вокъясныд, став Израиль войтыр, мед бӧрдасны на вӧсна, кодъясӧс Господь сотіс.

Иона 3:6

Кор ниневияса ӧксы кыліс та йылысь, сійӧ чеччис юралан пуклӧсысь, пӧрччис ӧксы паськӧмсӧ, пасьталіс шогалан паськӧм да пуксис пӧим пытшкӧ.

Закар 7:3

да юавны пророкъяслысь да Господь Саваоф крамын кесъялысь попъяслысь, колӧ-ӧ миянлы витӧд тӧлысьнас видзалӧмӧн пасйыны бӧрдан лун, кыдзи уна во чӧж нин ми вӧчам.

Закар 7:5

– Висьтав тайӧ муас олысьяслы да попъяслы: кор ті шогалінныд да видзалінныд сизимдас во чӧж витӧд да сизимӧд тӧлысьясӧ, Меным-ӧ тайӧс ті вӧчинныд?

Лыд 14:1

Став войтырыс кутіс гораа ырзӧмӧн бӧрдны. Найӧ войбыд бӧрдісны.

Лыд 14:39

Мӧисей висьталіс Израиль пиянлы Господьлысь кывъяссӧ. Войтырсӧ курыд шог босьтіс.

Ӧксыяслӧн 1 небӧг 6:19

[Бет-Шемешын олысьяс пиысь Еконейлӧн рӧдыс эз нимкодясь Господьлысь кудсӧ аддзылӧмысь.] Куд пытшкӧ видзӧдлӧмысь Господь бырӧдіс Бет-Шемеш карысь ветымын сюрс сизимдас мортӧс. Сэтчӧс олысьяс ырзӧмӧн бӧрдісны, ӧд Господь чорыда мыждіс найӧс.