Петӧм 32:4 - Коми Библия 2023

⁴ Сійӧ босьтіс ставсӧ, сывдіс да вӧчис-мольӧдіс ӧшкӧс. Йӧзыс шуисны: «Израиль, тайӧ тэнад ен, сійӧ петкӧдіс тэнӧ Египет муысь!»

Петӧм 32:4 Kruisverwysings

Ӧксыяслӧн 3 небӧг 12:28

Туйдӧдысьяскӧд сёрнитчӧм бӧрын Еровам ӧксы вӧчис кык зарни ӧшкӧс. Сэсся шуис войтырыслы: «Тіянлы оз ков ветлыны Ерусалимӧ. Израиль, со тэнад енъясыд, кодъяс петкӧдісны тэнӧ Египетысь».

Ӧксыяслӧн 3 небӧг 12:32

Сійӧ индіс, мый кӧкъямысӧд тӧлысьлӧн дас витӧд лунӧ лоӧ гаж, Иуда муын кодь пасъян гаж. Вефильӧ сувтӧдӧм висьпуктанін вылын Еровам вайис висьяс вӧчӧм ӧшъяслы да индіс попъясӧс, медым найӧ кесъялісны вись ваян мылькъяс вылын.

Ӧксыяслӧн 4 небӧг 10:20

Сійӧ тшӧктіс урчитны Вааллы сиӧм ыджыд гаж. Гажӧдчыны чукӧртчӧм йылысь юӧртісны быдлаын.

Ӧксыяслӧн 4 небӧг 10:29

Но Еху эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас, эз бырӧд Вефильысь да Данысь зарни ӧшъяс.

2 Каднебӧг 11:15

Еровам индіс аслыс попъясӧс, медым найӧ кесъялісны вись ваян мылькъяс вылын кӧза да ӧш сяма бӧлбанъяслы, кодъясӧс сійӧ вӧчӧдіс.

2 Каднебӧг 13:8

Ӧні ті мӧвпыштінныд паныд кыпӧдчыны Господьлӧн ӧксыалӧмлы, мый сетӧма Давидсянь чужысьяслы. Ті уна лыдаӧсь, тіян эмӧсь зарни ӧшъяс, кодъясӧс Еровам вӧчис тіянлы ен пыдди.

Неемий 9:18

Найӧ вӧчисны зарни ӧшкӧс, шуисны, тайӧ пӧ миян ен, коді петкӧдіс миянӧс Египетысь. Найӧ вӧчисны уна пеж,

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Петӧм 20:23

Энӧ вӧчӧй аслыныд эзысь да зарни енъясӧс.

Петӧм 20:4

Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.

Петӧм 28:11

Из вундалысь моз гиж нимъяссӧ изъяс вылас. Сэсся доргӧгӧрав изъяссӧ зарниӧн

Петӧм 28:9

Босьт кык оникс из да вундалӧмӧн гиж на вылӧ Израиль пиянлысь нимъяссӧ

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Петӧм 32:24

Сэки ме шуи налы: ”Кодлӧн эм зарни, пӧрччӧй”. Найӧ [пӧрччисны да] вайисны меным зарнисӧ. Ме шыбиті зарнисӧ биӧ, и артмис тайӧ ӧшкыс».

Петӧм 32:3

Став йӧзыс перъялісны пельсьыныс зарни исергаяснысӧ да вайисны Ааронлы.

Петӧм 32:35

Господь мыждіс войтырсӧ ӧш вӧсна, кодӧс вӧчисны найӧ Ааронкӧд.

Петӧм 32:5

Тайӧс аддзӧм бӧрын Аарон сувтӧдіс ӧш водзӧ висьпуктанін да горӧдіс: «Аски Господь водзын гаж!»

Петӧм 32:7

Господь шуис Мӧисейлы: «Лэччы ӧдйӧджык, ӧд тэнад войтырыд, кодӧс тэ петкӧдін Египет муысь, шогмытӧма кутіс овны.

Петӧм 32:8

Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»

Исай 30:22

Сэки ті понданныд пежӧн лыддьыны эзысьӧн эжӧм бӧлбанъяснытӧ да зарниӧн эжӧм идолъяснытӧ. Ті шыбитанныд найӧс пеж шыбласӧс моз да шуанныд налы: «Весасьӧй татысь!»

Исай 46:6

Идолъяслы юрбитысьяс перйӧны зепсьыныс зарни, веситӧны вески вылын эзысь, медалӧны вӧчасьысьӧс, и сійӧ вӧчӧ таысь енмӧс. Сэсся найӧ уськӧдчӧны муас, копрасьӧны асланыс енлы.

Езекиль 23:8

Том кадас на сійӧ пондіс кырсавны Египетын. Египетсаяс узьлісны сыкӧд, шамралісны сылысь нывдырся нёньяссӧ да могмӧдісны ассьыныс колӧм-кӧсйӧмнысӧ. Тайӧ кадсяньыс Огола эз и дугдывлы кырсавнысӧ.

Осий 10:5

Самарияын олысьяс полӧны Бет-Авенӧ сувтӧдӧм кукань идол вӧсна. Самария войтыр бӧрдӧ кукань вӧсна, бӧрдӧны тшӧтш идоллӧн попъяс, кодъяс нимкодясьлісны сыӧн, ӧд Самариялӧн нималӧмыс вешйӧ сы дінысь.

Осий 13:2

Водзӧ мыж вӧчӧ Ефрем, сывдӧ аслыс эзысь бӧлбанъясӧс, аслас мывкыд серти вӧчӧ идолъясӧс – ставыс тайӧ дорччысьлӧн удж. Вись вайысьяс йылысь шуалӧны, найӧ пӧ ӧшсӧ окалӧны.

Ап. уджъяс 17:29

Ми кӧ Енсянь чужысьяс, миянлы оз ков ӧткодявны Енсӧ зарни, эзысь либӧ изйысь вӧчӧмторъяскӧд, мый мӧвпыштӧма ачыс мортыс да вӧчӧма аслас кужысь киӧн.

Ап. уджъяс 7:41

Сэки найӧ вӧчисны ӧшкӧс, вайисны тайӧ идолыслы вись да нимкодясисны киӧн вӧчӧмторныс водзын.

1 Коринфӧ 10:7

Энӧ юрбитӧй идолъяслы, кыдзи вӧчисны кодсюрӧ миян батьяс пӧвстысь. Гижӧдыс висьталӧ: «Йӧзыс сёйисны-юисны, сэсся кутісны гажӧдчыны-ворсны».

Индӧд 9:16

Ме аддзи тіянлысь сывдӧм бӧлбан-ӧшкӧс. Сійӧс вӧчӧмнаныд ті асланыд Господь Енлы паныд мыж вӧчинныд. Ті ӧдйӧ кежинныд Господьлӧн туйысь, вунӧдінныд Сылысь тшӧктӧмъяссӧ.

Ёрдысьяс 8:24

Гедеон содтіс: «Ӧтитор тіянлысь кора. Мед быдӧн сетас меным тышын шедӧдӧмторсьыс исергаӧн». Тышын вӧлі шедӧдӧма уна зарни исерга, ӧд вӧрӧгыс вӧлі Измаил рӧдысь, а найӧ новлісны исергаяс.

Ёрдысьяс 8:27

Тайӧ зарнисьыс Гедеон вӧчис ефод да пуктіс сійӧс аслас Офра карӧ. Израиль войтыр пондіс юрбитны ефодлы да эновтіс Господьӧс. Гедеонлы да сылӧн рӧдыслы ефодыс лои налькйӧн.