Петӧм 32:12 - Коми Библия 2023

¹² Ӧд египетсаяс кутасны шуны, Енмыс пӧ петкӧдіс найӧс, медым керӧсъяс вылын вины найӧс да бырӧдны му вылысь. Дугды скӧравнытӧ, Господьӧй, эн бырӧд Ассьыд войтыртӧ.

Петӧм 32:12 Kruisverwysings

Олӧм 6:6

сэки жалитіс, мый вӧчис мортӧс му вылын. Господьлӧн сьӧлӧмыс ёна шогсис.

Ӧксыяслӧн 3 небӧг 8:51

Ӧд найӧ – Тэнад войтыр да Тэнад бӧрйӧм йӧз. Тэ петкӧдін найӧс Египетысь, тайӧ донӧдӧм пачсьыс.

Ездра 10:14

Веськӧдлысьясным мед сувтасны миян пыдди. А миян каръясын олысьяс, кодъяс босьтісны гӧтыръяссӧ мукӧд войтырысь, мед локтасны урчитӧм кадӧ асланыс карса юрнуӧдысьяскӧд да ёрдысьяскӧд. Гашкӧ, татшӧм ногӧн Енмыс вештас миян вылысь мыжным вӧсна ыпъялысь скӧрлунсӧ».

Псалтыр 85:3

Господьӧй, ло бур сьӧлӧма ме дінӧ, быд лун ме шыася Тэ дінӧ.

Псалтыр 90:13

Яда змей вылӧ тувччан, талялан левӧс да гундырӧс.

Петӧм 32:14

Господь вежис Ассьыс шуӧмсӧ – эз мӧдӧд лёксӧ Аслас войтыр вылӧ.

Петӧм 33:13

Тэ кӧ бур сьӧлӧма ме дінӧ, петкӧдлы меным Ассьыд туйтӧ, медым ме тӧді Тэнӧ да вӧчи Тэныд шогманасӧ. Ӧд тайӧ йӧзыс – Тэнад войтырыд».

Исай 64:7

Некод оз шыась Тэнад нимӧ, некод оз кутчысь Тэ дінӧ. Та вӧсна Тэ бергӧдін миянысь Ассьыд чужӧмтӧ, эновтін миянӧс кувны асланым мыжъясын.

Исай 64:8

Но Тэ, Господьӧй, – миян Батьным, ми – сёйыс, а Тэ – миянӧс Вӧчысьыс. Ми ставным – Тэнад киӧн вӧчӧмторъяс.

Еремей 28:16

Та вӧсна Господь тадзи висьталӧ: Ме чышкышта тэнӧ му вывсьыс. Тайӧ вонас тэ кулан, ӧд тэ ышӧдін тайӧ войтырсӧ Господьлы паныд кыпӧдчыны».

Езекиль 20:14

Но Аслам нимӧй вӧсна Ме тайӧс эг вӧч, медым Менсьым нимӧс эз ло янӧдӧма мукӧд войтыръяс водзын, кодъяслӧн син водзын Ме петкӧді найӧс Египетысь.

Езекиль 20:22

Но Аслам нимӧй вӧсна Ме эг лэпты киӧс на вылӧ, медым Менсьым нимӧс эз ло янӧдӧма мукӧд войтыръяс водзын, кодъяслӧн син водзын Ме петкӧді найӧс Египетысь.

Езекиль 20:9

Но Аслам нимӧй вӧсна Ме тайӧс эг вӧч, медым Менсьым нимӧс эз ло янӧдӧма мукӧд войтыръяс водзын, кодъяс пӧвстын найӧ вӧлі олӧны. Ӧд тайӧ войтыръясыслӧн син водзын Ме восьті Ачымӧс Израиль войтырлы, кор петкӧді найӧс Египет муысь.

Йоиль 2:17

Бӧрдӧй, попъяс, крам посводз да висьпуктанін костын. Господьлӧн кесъялысьяс, шуӧй: «Господьӧй, ло бур сьӧлӧма Аслад войтыр дінӧ. Эн сет янӧдны Ассьыд войтыртӧ, эн лэдз мукӧд войтырлы омӧльтны миянӧс. Мед найӧ оз шуны, кӧні Израильлӧн Енмыс».

Амос 7:3

Господь вежис кывсӧ. «Оз ло тайӧ», – шуис Господь.

Амос 7:6

Господь вежис кывсӧ. «Тайӧ тшӧтш оз ло», – шуис Господь Ыджыдыс.

Иона 3:9

Гашкӧ, Енмыс бурсьӧлӧмтчас да вештас Ассьыс ыпъялан скӧрлунсӧ миян вылысь, и ми ловйӧн колям».

Закар 8:14

Господь Саваоф тадзи висьталӧ: кор тіян батьяс скӧрмӧдісны Менӧ, Ме шуи мыждыны тіянӧс и эг веж Ассьым кывйӧс, – висьталӧ Господь Саваоф. –

Лыд 14:19

Господьӧй, Аслад ыджыд буралӧмыд вӧсна прӧстит тайӧ войтырыслысь мыжсӧ, кыдзи Тэ пыр прӧститлін найӧс Египетысь петӧмсянь да ӧнӧдз!»

Лыд 16:21

«Петӧй тайӧ войтырыс пӧвстысь! Найӧс ставнысӧ Ме бырӧда ӧти здукӧн».

Индӧд 13:17

Господьлы сиӧмторъясысь тіян киӧ мед нинӧм оз веськав. Сӧмын ставсӧ бырӧдӧм бӧрын Господь дугдас скӧравны, бурсьӧлӧмтчас да жалитас тіянӧс, сетас тіянлы уна ныв-пиӧс, кыдзи [висьталіс тіянлы да] кыв сетӧмӧн кӧсйысис тіян батьяслы.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Индӧд 9:28

медым сійӧ муас, кытысь Тэ петкӧдін миянӧс, йӧзыс эз шуны, мый Господь эз вермы вайӧдны найӧс кӧсйысьӧм муӧ, Сійӧ мустӧмтіс найӧс, та вӧсна нуӧдіс овтӧминӧ, медым бырӧдны.

Нав Исус 7:26

Ӧнӧдз на тайӧ ыджыд из чукӧрыс сулалӧ сійӧ местаас, мый шуӧны Акор ковтысӧн сэні лоӧмтор вӧсна. Аканлӧн кулӧм бӧрын Господьлӧн скӧрлуныс лӧнис.

Нав Исус 7:9

Кор ханаансаяс да тайӧ муас мукӧд олысьыс кыласны та йылысь, найӧ кытшаласны миянӧс да вуштасны нимнымӧс войтыръяс пӧвстысь. Мый Тэ вӧчан, медым дорйыны Ассьыд ыджыд нимтӧ?»

Ӧксыяслӧн 1 небӧг 12:22

Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.