Петӧм 30:10 - Коми Библия 2023

¹⁰ Ӧтчыдысь вонас Аарон мед сӧстӧммӧдас висьпуктанінлысь сюръяссӧ. Мыжысь висьлӧн вирнас сійӧ ӧтчыдысь вонас мед сӧстӧммӧдас висьпуктанінсӧ. Тадзи колӧ вӧчны чужысьяссянь чужысьясӧдз. Тайӧ висьпуктаніныс лоӧ вежасьыс-вежа, сійӧ – Господьлӧн».

Петӧм 30:10 Kruisverwysings

Ӧксыяслӧн 3 небӧг 1:50

Адонийӧс полӧм босьтіс Соломонысь. Сійӧ котӧрӧн муніс висьпуктанін дорӧ да шашаритчис висьпуктанін сюръясӧ.

1 Каднебӧг 6:49

Сӧмын Аарон да сысянь чужысьяс вермисны висьпуктанін вылын да тшынӧдчан висьпуктанін вылын сотны висьяс, кесъявны Вежасьыс-вежаинын да вештыны Израиль войтырлысь мыжсӧ. Найӧ ставсӧ вӧчисны Ен кесйӧг Мӧисейлӧн тшӧктӧм серти.

Петӧм 30:11

Господь шуис Мӧисейлы:

Петӧм 30:9

Висьпуктанін вылын мӧдторъяс энӧ тшынӧдӧй. Энӧ вайӧй сэні сотан вись, нянь вись либӧ вина вись.

Левит 16:16

Татшӧм ногӧн сійӧ сӧстӧммӧдас Вежасьыс-вежаинсӧ Израиль пиянлӧн пежсьыс да мыжсьыс. Израиль пиян пӧвстын сулалысь вежа чомсӧ мед ставнас сӧстӧммӧдас налӧн пежсьыс.

Левит 16:18

Вежа чомйысь петӧм бӧрын Аарон мед сувтас Господь водзын сулалысь висьпуктанін дорӧ да сӧстӧммӧдас сійӧс. Ӧш вирӧн да кӧза вирӧн мед мавтас висьпуктанінлысь сюръяссӧ быд боксянь.

Левит 16:2

Господь шуис Мӧисейлы: «Висьтав Аарон вокыдлы, мый сылы оз позь быд кадӧ пырны Вежаинын ӧшалысь дӧра сайӧ, Йитӧд куд водзӧ [мыж лэдзанін водзӧ], медым сійӧ эз кув. Ӧд Йитӧд куд вевт весьтас Ме кута петкӧдчыны кымӧр пытшкын.

Левит 23:27

«Сизимӧд тӧлысьлӧн дасӧд луныс – Мыж вештан лун. Сэки тіян мед лоас вежа чукӧртчӧм. Раммӧдчӧй-видзалӧй да вись вайӧй Господьлы.

Левит 4:18

Мед мавтас тайӧ вирнас Господь водзын вежа чомйын сулалысь [тшынӧдчан] висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Левит 4:7

Поп мед мавтас тайӧ вирнас Господь водзын вежа чомйын сулалысь тшынӧдчан висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Еврейяслы 1:3

Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.

Еврейяслы 9:25

Сійӧ пырис енэжас эз сы могысь, медым выльысь вайны Асьсӧ вись пыдди. Но аркирей быд во пырӧ Вежасьыс-вежаинӧ пемӧс вирӧн.

Еврейяслы 9:7

Мӧд вежӧсас сӧмын ӧтчыдысь вонас пырліс аркирей. Аскӧдыс сійӧ вайліс вир аслас мыжъяс вӧсна да йӧзлӧн тӧдтӧг вӧчӧм мыжъяс вӧсна.

Восьтӧм 9:13

Кор квайтӧд анделыс тутсіс трубаӧ, ме кылі гӧлӧс шы Ен водзын сулалысь зарни висьпуктанінлӧн нёль сюрсянь.