Петӧм 3:1 - Коми Библия 2023

¹ Мӧисей видзис тесьтыслысь, мадианса Иофор поплысь, ыжъяссӧ. Ӧтчыд овтӧминын Мӧисей нуӧдіс ыжъяссӧ зэв ылӧ да воис Енлӧн Хорив керӧс дорӧдз.

Петӧм 3:1 Kruisverwysings

Ӧксыяслӧн 3 небӧг 19:19

Илля петіс туйӧ. Мунігмозыс сійӧ аддзис Шафатлысь Елисей писӧ, коді вӧлі гӧрӧ. Елисей водзвылын восьлалісны дас кык гоз ӧш, ачыс сійӧ гӧрис дас кыкӧд гознас. Елисей дінті мунігӧн Илля шыбитіс сы вылӧ ассьыс кышансӧ.

Ӧксыяслӧн 3 небӧг 19:8

Илля чеччис да сёйис-юис. Сёйӧм бӧртиыс ёнмыштіс да петіс туйӧ. Нелямын лун да нелямын вой сійӧ муніс Енлӧн Хорив керӧс дорӧдз.

Псалтыр 106:19

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Петӧм 17:6

Хорив изкырта вылын Ме сувта тэ водзӧ. Тэ вачкан изкыртаӧ, и сэтысь ыльӧбтас ва. Тайӧ васӧ мед юас войтырыд». Мӧисей вӧчис тадзи израильса юрнуӧдысьяслӧн син водзын.

Петӧм 18:12

Мӧисейлӧн Иофор тесьтыс вайис Енлы сотан да мукӧд висьяс. Аарон да став израильса юрнуӧдысьяс локтісны да Мӧисейлӧн тесьтыскӧд сёйисны Ен водзын.

Петӧм 19:11

дасьтысясны коймӧд лун кежлӧ, ӧд коймӧд луннас став войтырлӧн син водзын Господь лэччас Синай керӧс вылӧ.

Петӧм 19:3

Мӧисей кайис [керӧс вылӧ] Ен дінӧ. Господь шыасис керӧссянь да шуис Мӧисейлы: «Висьтав Яков рӧдлы, юӧрт Израиль пиянлы:

Петӧм 2:16

Сэтчӧ локтісны мадианса поплӧн сизимнан нылыс [кодъяс видзисны Иофор батьныслысь ыжъяссӧ]. Найӧ гумлалісны юкмӧсысь ва да тыртісны воръяссӧ, кытысь юисны батьныслӧн ыжъясыс.

Петӧм 2:18

Кор нывъяс локтісны Регуэл батьныс дінӧ, сійӧ юаліс: «Талун нӧ мый сэтшӧм водз локтінныд?»

Петӧм 2:21

Мӧисейлы кажитчис овны мадианса морт ордын. Иофор сетіс ассьыс Сеппора нывсӧ Мӧисейлы гӧтыр пыдди.

Петӧм 24:13

Мӧисей мӧдӧдчис Исус кесъялысьыскӧд Енлӧн керӧс вылӧ.

Петӧм 3:12

Ен шуис: «Ме лоа тэкӧд. Со тэныд пас, мый Ме мӧдӧді тэнӧ. Кор тэ петкӧдан Менсьым войтырӧс Египетысь, ті юрбитанныд Енлы тайӧ керӧс вылас».

Петӧм 3:5

Ен шуис: «Водзӧ эн воськовт! Пӧрччы кӧмтӧ, ӧд муыс, кӧні тэ сулалан, вежа».

Петӧм 33:6

Израильсаяс пӧрччисны ас вывсьыныс мичмӧдчанторъяссӧ Хорив керӧс бокын.

Петӧм 4:18

Мӧисей локтіс Иофор тесьт дінӧ да шуис сылы: «Лэдз меным бӧр мунны Египетӧ вокъяс дінӧ, медым тӧдмавны, ловъяӧсь-ӧ найӧ». Иофор шуис Мӧисейлы: «Мун лӧнь сьӧлӧмӧн». [Кад мысти куліс египетса ӧксы.]

Петӧм 4:27

Господь шуис Ааронлы: «Мун Мӧисейлы воча овтӧминӧ». Аарон петіс туйӧ. Енлӧн керӧс горулын сійӧ паныдасис Мӧисейкӧд да окыштіс сійӧс.

Амос 1:1

Тайӧ кывъясыс Амослӧн, коді рӧдмӧдіс ыжъясӧс Текояын. Сійӧ аддзыліс Израиль йылысь петкӧдчылӧм, тайӧ вӧлі му вӧрӧмӧдз кык воӧн водзджык. Сэки Иуда муын юраліс Озей ӧксы, а Израиль муын – Еровам ӧксы, Йоаслӧн пиыс.

Малакий 4:4

Энӧ вунӧдӧй Менам Мӧисей кесйӧглысь Индӧдсӧ, мый Ме сеті сылы Хорив керӧсын, энӧ вунӧдӧй тшӧктӧмъяссӧ, мый Ме сеті став Израиль войтырлы.

Лыд 10:29

Мӧисей шуис Ховавлы, мадианса Регуэл тесьтыслӧн пилы: «Ми мӧдӧдчам сійӧ муас, мый Господь кӧсйысис сетны миянлы. Мунам миянкӧд, ми кутам тӧждысьны, мый тэныд бур лоас, ӧд Господь кӧсйысис Израильлы бур вӧчны».

Лыд 10:33

Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Лука 2:8

Сэні матігӧгӧрас вӧліны ыж видзысьяс. Войнас найӧ видзисны ыжъяснысӧ видз вылын.

Ап. уджъяс 7:30

Нелямын во мысти овтӧминын, Синай керӧс дорын, ӧзъялысь лежнӧг пытшкын Мӧисейлы петкӧдчис Господьлӧн андел.

Индӧд 1:2

Дас ӧти лун колӧ вӧлі мунны Сеир керӧсвыв муӧд Хорив керӧссянь Кадеш-Варниӧдз.

Индӧд 1:6

«Хорив керӧсын Господь, миян Енным, шуис: ”Тырмас тіянлы тайӧ керӧс бокас овнысӧ.

Индӧд 4:10

Висьталӧй налы сійӧ луныс йылысь, кор ті [чукӧртчинныд да] сулалінныд Господь Енныд водзын Хорив керӧс дорын. Сэні Господь шуис меным: ”Чукӧрт войтырсӧ Ме дінӧ, Ме висьтала налы Ассьым кывъясӧс. Му вылын став олан лунъяс чӧжныс найӧ мед поласны Меысь да мед велӧдасны ассьыныс ныв-пинысӧ тадзи овны”.

Ёрдысьяс 4:11

Сійӧ кадас Хевер нима морт вӧлі торйӧдчӧма аслас кеней войтырысь, Ховавсянь чужысьясысь, Мӧисей тесьтлӧн рӧдвужысь. Сылӧн чомйыс сулаліс Кедешсянь матын цананнимса тупу рас дорын.

Ӧксыяслӧн 1 небӧг 16:11

Сэки Самуил юаліс Ессейлысь: «Став пияныд-ӧ танӧсь?» Ессей вочавидзис: «Медічӧт пи на эм. Сійӧ ыжъясӧс видзӧ». Самуил шуис: «Мӧдӧд сыла. Ми огӧ пуксьӧй сёйны, кытчӧдз сійӧ оз лок».