Петӧм 27:9 - Коми Библия 2023

⁹ «Вежа чом гӧгӧрыс вӧч йӧр. Путшкӧм шабді шӧртысь кы сё гырддза кузьта дӧра, медым ӧшӧдны сійӧс йӧр пӧлӧн лунвывладорас.

Петӧм 27:9 Kruisverwysings

Ӧксыяслӧн 3 небӧг 6:36

Пытшкӧс йӧрлысь стенсӧ Соломон вӧчис шыльӧдӧм изйысь да сус пуысь. Быд куим судта кералӧм из вылӧ пуктісны сус пу керъяс.

Ӧксыяслӧн 3 небӧг 8:64

Сійӧ жӧ лунӧ ӧксы вежӧдіс Господьлӧн крам йӧрлысь шӧр юкӧнсӧ, сотіс сэні сотан вись да нянь вись, тшӧтш бурасян вись пыдди вайӧм пемӧсъяслысь госсӧ. Ӧд ыргӧн висьпуктаніныс, мый сулаліс Господь водзын, вӧлі ичӧт, сэтчӧ эз тӧр сотан вись, нянь вись да пемӧсъяслӧн госыс.

2 Каднебӧг 33:5

Господьлӧн крам кыкнан йӧрас Манассей сувтӧдіс енэжвыв вынъяслы висьпуктанінъяс.

2 Каднебӧг 4:9

Соломон вӧчӧдіс ыджыд йӧр, попъяслы йӧр да йӧръясас пыран дзиръяяс. Дзиръяяссӧ эжисны ыргӧнӧн.

Псалтыр 100:4

Ме вӧтла ас пытшкысь наян мӧвпъяс, лёкыскӧд ме ог ӧтувтчы.

Псалтыр 84:10

Сійӧ регыд нин мездас Сыысь полысьясӧс, Сылӧн дзирдлуныс лоас миян му вылын.

Петӧм 27:10

Дӧрасӧ ӧшӧдӧм могысь вӧч кызь сюръя. Сюръяяслы вӧч кызь ыргӧн подув, эзысь пысӧдъяс да йитвежъяс.

Петӧм 35:17

йӧр тупкан дӧраяс, сюръяяс да подувъяс, йӧр пыранінӧ ӧшӧдан дӧра,

Петӧм 36:17

Кык ыджыд дӧра помъясас вӧчисны ветымын пекля, медым йитны дӧраяссӧ.

Петӧм 39:40

йӧр тупкан дӧраяс, сюръяяс да подувъяс, йӧр пыранінӧ ӧшӧдан дӧра, гезъяс, майӧгъяс да став дозмук-кӧлуйсӧ, мый колӧ вежа чомйын кесъялӧм могысь,

Петӧм 40:33

Вежа чом да висьпуктанін гӧгӧр Мӧисей вӧчис йӧр, а йӧр пыранінӧ ӧшӧдіс дӧра. Тадзи помаліс уджсӧ.

Петӧм 40:8

Йӧрсӧ тупкы дӧраясӧн, йӧр пыранінӧ тшӧтш ӧшӧд дӧра.

Езекиль 40:14

Мурталіс пыранінлысь ӧдзӧсдор стенсӧ, сійӧ вӧлі квайтымын гырддза судта. Пыранін сулаліс йӧрын.

Езекиль 40:17

Морт вайӧдіс менӧ ортсы йӧрӧ. Йӧр гӧгӧрыс вӧлі вольсалӧма изъяс, и сэні сулаліс керка, кӧні сьӧрсьӧн-бӧрсьӧн вӧлі комын жыр.

Езекиль 40:20

Морт мурталіс ортсы йӧрӧ нуӧдысь войвыв пыранінсӧ.

Езекиль 40:23

Асыввыв да войвыв пыранінъяслы воча вӧліны пытшкӧс йӧрӧ пырананінъяс. Войвыв пыранінсянь пытшкӧс йӧр пыранінӧдз вӧлі сё гырддза.

Езекиль 40:28

Морт вайӧдіс менӧ пытшкӧс йӧрӧ лунвыв пыранінӧд да мурталіс сійӧс. Сійӧ вӧлі мукӧд пыраніныс кодь.

Езекиль 40:32

Морт вайӧдіс менӧ пытшкӧс йӧрӧ асыввыв пыранінӧд да мурталіс сійӧс. Сійӧ вӧлі мукӧд пыраніныс кодь.

Езекиль 40:44

Пытшкӧс йӧрын, пыранінъяс сайын, вӧліны сьылысьяслы ӧти вежӧса керкаяс. Ӧти керкаыс вӧлі войвыв пыранін бердын, и сылӧн ӧдзӧсыс видзӧдіс лунвывлань. Мӧд керкаыс вӧлі лунвыв пыранін бердын, и сылӧн ӧдзӧсыс видзӧдіс войвывлань.

Езекиль 42:3

Керка сайын вӧлі пытшкӧс йӧрлӧн кызь гырддза пасьта восьсаин, а керка водзын вӧлі ортсы йӧрлӧн изэрд. Тайӧ куим судтаа керкаас вӧліны восьса жыръяс, найӧ сулалісны ӧта-мӧд выланыс.

Лыд 3:26

вежа чом йӧр да висьпуктанін тупкан дӧраяс вӧсна, йӧр пыранінын ӧшалысь дӧра вӧсна да дӧра йитлан гезъяс вӧсна, тӧждысисны вежа чом разялӧм-сувтӧдӧм вӧсна.

Лыд 4:26

висьпуктанін да вежа чом йӧр тупкан дӧраяссӧ, йӧр пыранінӧ ӧшӧдан дӧрасӧ, дӧраяслысь гезъяссӧ да став кӧлуйсӧ. Найӧ мед тӧждысясны вежа чом разялӧм-сувтӧдӧм вӧсна.

Лыд 4:32

йӧр гӧгӧр сувтӧдан сюръяяс да налысь подувъяссӧ, майӧгъяссӧ, гезъяссӧ да став кӧлуйсӧ. Найӧ мед тӧждысясны вежа чом разялӧм-сувтӧдӧм вӧсна. Индӧй, кодлы мый колӧ новлӧдлыны.