Петӧм 26:33 - Коми Библия 2023

³³ Дӧрасӧ ӧшӧдӧм бӧрын Йитӧд кудсӧ пырт дӧра саяс. Тайӧ ӧшӧдӧм дӧраыс кутас торйӧдны Вежаинсӧ Вежасьыс-вежаинысь.

Петӧм 26:33 Kruisverwysings

Ӧксыяслӧн 3 небӧг 6:16

Крам помас Соломон вӧчис вежӧс да торйӧдіс сійӧс сус пу пӧвъясысь вӧчӧм стенмӧн. Тайӧ пыді вежӧсыс вӧлі Вежасьыс-вежаин, сылӧн кузьтаыс вӧлі кызь гырддза.

Ӧксыяслӧн 3 небӧг 8:10

Кор попъяс петісны Вежаинысь, Господьлысь крамсӧ тыртіс кымӧр.

Ӧксыяслӧн 3 небӧг 8:6

Попъяс пыртісны Господьлысь Йитӧд кудсӧ крамлӧн пыді вежӧсӧ – Вежасьыс-вежаинӧ – да пуктісны сійӧс индӧм местаӧ херувимъяслӧн бордъяс улӧ.

2 Каднебӧг 3:8

Соломон тшӧктіс вӧчны Вежасьыс-вежаин. Кузьтанас и пасьтанас сійӧ вӧлі ӧткодь крам пасьтаыскӧд – кызь гырддза. Вежасьыс-вежаинсӧ Соломон тшӧктіс эжны медбур зарниӧн, кодлӧн сьӧктаыс вӧлі квайтсё талант.

Петӧм 25:16

Ме сета тэныд изпӧвъяс, пукты найӧс тайӧ кудъяс.

Петӧм 26:32

Ӧшӧд дӧрасӧ зарни пысӧдъяснас акация пуысь вӧчӧм нёль сюръя вылӧ. Эж сюръяяссӧ зарниӧн да сывдӧмӧн вӧч налы нёль эзысь подув.

Петӧм 27:10

Дӧрасӧ ӧшӧдӧм могысь вӧч кызь сюръя. Сюръяяслы вӧч кызь ыргӧн подув, эзысь пысӧдъяс да йитвежъяс.

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».

Петӧм 36:36

Зарни пысӧдъяснас дӧрасӧ ӧшӧдӧм могысь акация пуысь вӧчисны нёль сюръя. Сюръяяссӧ эжисны зарниӧн да налы сывдӧмӧн вӧчисны нёль эзысь подув.

Петӧм 40:21

Сэсся пыртіс Йитӧд кудсӧ вежа чомйӧ да куд водзӧ ӧшӧдіс дӧра, медым сайӧдны сійӧс. Тадзи Господь тшӧктіс Мӧисейлы.

Петӧм 40:3

Пырт Йитӧд кудсӧ вежа чомйӧ да ӧшӧд куд водзӧ дӧра.

Езекиль 41:4

Водзӧ мурталіс пыді вежӧссӧ, кузьтанас и пасьтанас сійӧ вӧлі кызь гырддза. Пасьтанас сійӧ вӧлі медводдза вежӧс кодь. Морт шуис меным, тайӧ пӧ Вежасьыс-вежаин.

Левит 16:2

Господь шуис Мӧисейлы: «Висьтав Аарон вокыдлы, мый сылы оз позь быд кадӧ пырны Вежаинын ӧшалысь дӧра сайӧ, Йитӧд куд водзӧ [мыж лэдзанін водзӧ], медым сійӧ эз кув. Ӧд Йитӧд куд вевт весьтас Ме кута петкӧдчыны кымӧр пытшкын.