Петӧм 24:8 - Коми Библия 2023

⁸ Мӧисей босьтіс чукӧртӧм вирсӧ да резіс сыӧн войтырсӧ. Сійӧ шуис: «Тайӧ вирыс – йитӧдлӧн вир. Господь кӧрталіс тіянкӧд йитӧд. Тайӧ йитӧдыс подуласьӧ Сылӧн тшӧктӧмъясыс вылӧ».

Петӧм 24:8 Kruisverwysings

Ӧксыяслӧн 3 небӧг 8:21

Крамас ме дасьті места Господьлӧн Йитӧд кудлы, кытчӧ пуктӧма йитӧдлысь изпӧвъяс. Тайӧ йитӧдсӧ Сійӧ кӧрталіс миян батьяскӧд Египет муысь найӧс петкӧдӧм бӧрын».

Ӧксыяслӧн 3 небӧг 8:9

Кудйын вӧлі сӧмын кык изпӧв, найӧс сэтчӧ Хорив керӧсын пуктыліс Мӧисей. Буретш сэні Израиль войтырлӧн Египет муысь петӧм бӧрын Господь кӧрталіс накӧд йитӧд.

Петӧм 24:6

Ӧшъяслысь вирсӧ Мӧисей юкис кык пельӧ: ӧти джынсӧ кисьталіс тасьтіясӧ, а мӧд джыннас резіс висьпуктанін.

Исай 52:15

Уна войтыр пондасны шензьыны Сы вылӧ, ӧксыяс тупкасны вомнысӧ Сы водзын, ӧд найӧ аддзасны сійӧ, мый йылысь налы эз висьтавлыны, тӧдмаласны сійӧ, мый йылысь найӧ эз кывлыны.

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Левит 8:30

Сэсся Мӧисей босьтіс мавтыштан вый да висьпуктанін вылысь вир, резіс Ааронӧс, сылысь пиянсӧ да налысь паськӧмнысӧ. Тадзи сійӧ вежӧдіс Ааронӧс, сылысь пиянсӧ да налысь паськӧмнысӧ.

Аггей 2:5

Египетысь тіян петігӧн Ме кӧсйысьлі, мый Менам Лолӧй лоӧ тіянкӧд. Сідзкӧ, энӧ полӧй!

Закар 9:11

Вирӧн вынсьӧдӧм йитӧд вӧсна Ме мезда пленӧ босьтӧмаястӧ, петкӧда найӧс ватӧм гуысь.

Матвей 26:28

Тайӧ Менам вир – Выль Йитӧдлӧн вир, сійӧ киссьӧ уналысь мыжъяссӧ прӧститӧм вӧсна.

Марк 14:24

Исус шуис налы: «Тайӧ Менам вир – Выль Йитӧдлӧн вир, сійӧ киссьӧ уна вӧсна.

Лука 22:20

Сёйӧм бӧрас босьтіс чаша да сійӧс сетігас шуис: «Тайӧ чашаыс – Выль Йитӧд, кӧрталӧма Менам вирӧн, сійӧ киссьӧ тіян вӧсна.

1 Коринфӧ 11:25

Сёйӧм бӧрас босьтіс тшӧтш чаша да шуис: «Тайӧ чашаыс – Выль Йитӧд, кӧрталӧма Менам вирӧн. Быдпӧрйӧ, тайӧ чашасьыс юигӧн, казьтывлӧй Менӧ».

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Индӧд 5:2

Господь, миян Енным, кӧрталіс миянкӧд йитӧд Хорив керӧсын.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Нав Исус 24:25

Сійӧ лунӧ Господь нимсянь Исус кӧрталіс войтыркӧд йитӧд. Сэні, Сикемын [Господьлӧн, Израиль Енлӧн, вежа чом водзын] сійӧ сетіс налы индӧд-тшӧктӧмъяс.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.