Петӧм 24:6 - Коми Библия 2023

⁶ Ӧшъяслысь вирсӧ Мӧисей юкис кык пельӧ: ӧти джынсӧ кисьталіс тасьтіясӧ, а мӧд джыннас резіс висьпуктанін.

Петӧм 24:6 Kruisverwysings

Ӧксыяслӧн 4 небӧг 17:15

Найӧ ӧтдортісны Господьлысь тшӧктӧмъяссӧ, ӧлӧдӧмъяссӧ да йитӧдсӧ, мый Сійӧ кӧрталіс налӧн батьяскӧд. Найӧ мунісны шогмытӧм ылӧг енъяс бӧрся, и асьныс лоины сэтшӧм жӧ шогмытӧмӧсь. Найӧ олісны на гӧгӧр олысь войтыръяс моз, эз кывзыны Господьлысь ӧлӧдӧмсӧ.

Петӧм 12:22

Сэсся босьтӧй китыр иссоп турун, кӧтӧдӧй дозйӧ чукӧртӧм вирнас да мавтӧй ӧдзӧсныдлысь вылыс куричсӧ да кыкнанбок куричсӧ. Тіян пӧвстысь асылӧдзыс мед некод оз пет керкасьыс ӧдзӧс саяс.

Петӧм 12:7

Сэсся мед босьтасны сылысь вирсӧ да мавтасны ӧдзӧслысь кыкнанбок куричсӧ да вылыс куричсӧ сійӧ керкасьыс, кӧні кутасны сёйны яйсӧ.

Петӧм 24:8

Мӧисей босьтіс чукӧртӧм вирсӧ да резіс сыӧн войтырсӧ. Сійӧ шуис: «Тайӧ вирыс – йитӧдлӧн вир. Господь кӧрталіс тіянкӧд йитӧд. Тайӧ йитӧдыс подуласьӧ Сылӧн тшӧктӧмъясыс вылӧ».

Петӧм 29:16

Начкы межсӧ да рез сылӧн вирнас висьпуктанінсӧ быд боксянь.

Петӧм 29:20

Начкы межсӧ, босьт сылысь вирсӧ да мавтышт Ааронлысь да пияныслысь веськыд пельтугнысӧ, веськыд кисьыс певнысӧ да веськыд коксьыс ыджыд чуньнысӧ. Сэсся вирнас рез висьпуктанінсӧ быд боксянь.

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Левит 1:11

мед начкас сійӧс Господь водзын висьпуктанін войвывладорын. Попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 1:5

Сійӧ мед начкас ӧшсӧ Господь водзын. А попъяс, Ааронсянь чужысьяс, мед ваясны ӧшлысь вирсӧ да резасны вежа чом пыранін дорысь висьпуктанінсӧ быд боксянь.

Левит 3:2

Мед пуктылас кисӧ пемӧслы юр вылас, а сэсся мед начкас сійӧс вежа чом пыранін дорын. Та бӧрын попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 3:8

Мед пуктылас кисӧ ыжлы юр вылас, а сэсся мед начкас сійӧс вежа чом пыранін дорын. Та бӧрын Ааронсянь чужысьяс мед вирнас резасны висьпуктанінсӧ быд боксянь.

Левит 4:6

Сэсся вирнас мед кӧтӧдас ассьыс чуньсӧ да сизимысь резыштас Господь водзын Вежаинын, Вежасьыс-вежаинлӧн дӧра водзын.

1 Коринфӧ 11:25

Сёйӧм бӧрас босьтіс тшӧтш чаша да шуис: «Тайӧ чашаыс – Выль Йитӧд, кӧрталӧма Менам вирӧн. Быдпӧрйӧ, тайӧ чашасьыс юигӧн, казьтывлӧй Менӧ».

Колосӧ 1:20

медым Сы пыр сетны бурасьӧм да Сылӧн крествывса вирнас бурӧдны Аскӧдыс мувывсасӧ да енэжвывсасӧ.

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –

Еврейяслы 9:18

Та вӧсна воддза йитӧдсӧ вӧлі вынсьӧдӧма вирӧн.

Еврейяслы 9:19

Израиль войтырлы Индӧдысь став тшӧктӧмсӧ лыддьӧм бӧрын Мӧисей босьтіс ӧшъяслысь да кӧзаяслысь ваӧн соралӧм вир, гӧрд вурун, иссоп турун да резіс тайӧн медводз Индӧд небӧгсӧ, сэсся став войтырсӧ.

Еврейяслы 9:21

Сэсся Мӧисей резіс вирнас тшӧтш вежа чомсӧ да став кесъялан дозмук-кӧлуйсӧ.

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.