Петӧм 24:16 - Коми Библия 2023

¹⁶ Енлӧн дзирдлуныс лэччис сэтчӧ. Квайт лун чӧж керӧсыс вӧлі кымӧр вевттьӧд улын. Сизимӧд луннас Господь шыасис Мӧисей дінӧ кымӧр пытшсяньыс.

Петӧм 24:16 Kruisverwysings

Петӧм 16:10

Кор Аарон висьталіс Израиль войтырлы, найӧ бергӧдчисны овтӧминлань, кӧні кымӧр пытшкын петкӧдчис Господьлӧн дзирдлуныс.

Петӧм 19:11

дасьтысясны коймӧд лун кежлӧ, ӧд коймӧд луннас став войтырлӧн син водзын Господь лэччас Синай керӧс вылӧ.

Петӧм 19:9

Господь шуис Мӧисейлы: «Ме локта тэ дінӧ сук кымӧр пытшкын да кута сёрнитны тэкӧд, медым войтырыд кылас да водзӧ кутас эскыны тэныд». Сы бӧрын, кор Мӧисей висьталіс Господьлы войтырыслысь кывъяссӧ,

Петӧм 20:10

а сизимӧд луныс шойччан лун, торйӧд сійӧс Господьлы, аслад Енлы. Тайӧ лунӧ тэ, тэнад ныв-пиыд, кесйӧгыд, кесйӧг аньыд, [тэнад ӧшкыд, осёлыд,] ыж-мӧскыд да йӧз муысь локтысьыд, коді олӧ тэ ордын, некутшӧм удж энӧ вӧчӧй.

Петӧм 24:17

Израиль пиян аддзылісны Господьлысь дзирдлунсӧ. Дзирдлуныс вӧлі керӧс вылын сотысь би кодь.

Исай 4:5

Сэки Господь ставнас Сион керӧссӧ да сэні гажӧдчыны чукӧртчысьясӧс луннас вевттяс кымӧрӧн, а войнас вевттьӧд пыдди лоӧ тшын да ыпъялысь би. Тадзи ставсӧ лоӧ вевттьӧма дзирдлунӧн.

Езекиль 1:28

Сійӧс кытшалысь дзирдалӧмыс вӧлі зэр дырйи кымӧръясын мыччысьӧм ӧшкамӧшка кодь.

Левит 9:23

да Мӧисейкӧд пырис вежа чомйӧ. Сэсся сэтысь петӧм бӧрын найӧ бурсиисны войтырсӧ. Сэки Господьлӧн дзирдлуныс петкӧдчис став войтырлы.

Левит 9:6

Мӧисей шыасис: «Господь тадзи тшӧктіс вӧчны, медым тіянлы петкӧдчас Господьлӧн дзирдлуныс».

Лыд 14:10

Войтырыс кӧсйис изъявны Исусӧс да Калевӧс, но Господьлӧн дзирдлуныс [кымӧрӧн] петкӧдчис вежа чомйын став Израиль пиянлӧн син водзын.

Лыд 16:42

Кор войтырыс чукӧртчис Мӧисей да Аарон дінӧ, найӧ бергӧдчисны вежа чомлань да аддзисны, кыдзи чомсӧ вевттис кымӧр, и сэні петкӧдчис Господьлӧн дзирдлуныс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.