Петӧм 23:6 - Коми Библия 2023

⁶ Гӧль мортлысь вензьӧмсӧ видлалігӧн ло веськыд ёрдысьӧн.

Петӧм 23:6 Kruisverwysings

2 Каднебӧг 19:7

Полӧй Господьысь, ставсӧ вӧчӧй веськыда, ӧд Господь, миян Енным, мустӧмтӧ пӧръясьӧм, леститчӧм да козин босьтӧм».

Иов 31:13

Ме кӧ эг вӧв веськыдӧн кесйӧгъяс дінӧ, кор найӧ норасьлісны меным,

Шусьӧгъяс 18:5

Абу бур сулавны лёк вӧчысь дор да мыжтӧмӧс мыждыны.

Шусьӧгъяс 22:22

Гӧль мортӧс эн дзескӧд сылӧн гӧльлун вӧсна, коньӧрӧс эн кедзовт ёрд водзын.

Шусьӧгъяс 31:5

Код юрнад вунӧдан индӧдсӧ, коньӧръясӧс он веськыда мыжды.

Еклесиаст 5:8

Канмулы бур, кор ӧксыыс тӧждысьӧ аслас му вӧсна.

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Еремей 5:28

тшӧгнысла найӧ лӧсталӧны, пӧтлытӧг вӧчӧны лёксӧ, найӧ оз веськыда мыждыны, батьтӧм-мамтӧмъясӧс оз дорйыны, гӧльяслы оз отсавны ёрд вылын.

Еремей 6:28

Ставныс найӧ – асныраӧсь да кывзысьтӧмӧсь, олӧны суклясьӧмӧн. Найӧ шогмытӧмӧсь, ыргӧн да кӧрт кодьӧсь.

Еремей 7:6

онӧ кӧ дзескӧдӧй йӧз муысь локтысьӧс, батьтӧм-мамтӧмӧс да дӧваӧс, онӧ кӧ кисьтӧй мыжтӧм йӧзлысь вирсӧ тайӧ муас, онӧ кӧ юрбитӧй мукӧд енъяслы аслыныд лёк вылӧ,

Левит 19:15

Ёрд вылын ло веськыд. Мыжды веськыда, эн видзӧд чужӧм вылӧ. Гӧль и озыр морт мед лоӧны тэныд ӧткодьӧсь.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

Индӧд 27:19

”Ёрӧм улӧ веськалӧ быдӧн, коді йӧз муысь локтысьлысь, батьтӧм-мамтӧмлысь да дӧвалысь могъяссӧ оз веськыда видлав”. И став войтырыс мед шуас: ”Мед лоӧ тадзи!”

Ӧксыяслӧн 1 небӧг 8:3

Найӧ эз ветлыны батьыслӧн туйӧд да эз веськыда мыждыны йӧзсӧ, а сетчисны горшасьӧмӧ да босьтісны козинъяс.