Петӧм 23:13 - Коми Библия 2023

¹³ Кутчысьӧй став Менам тшӧктӧмӧ. Мукӧд енъяслысь нимъяссӧ энӧ казьтывлӧй, налӧн нимыс мед оз пет тіян вомысь».

Петӧм 23:13 Kruisverwysings

Псалтыр 16:4

Ме ола Тэнад кывъясыд серти, некодӧс ог дзескӧд, кыдзи мукӧдыс вӧчӧны.

Псалтыр 39:1

Сьылысьясӧн веськӧдлысьлы. Давидлӧн псалом.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Петӧм 23:32

[Энӧ ӧтувтчӧй накӧд да] энӧ кӧрталӧй йитӧд накӧд да налӧн енъяскӧд.

Еремей 10:11

Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.

Осий 2:17

Ме бырӧда сылӧн сёрниысь идолъяслысь нимъяссӧ, сійӧ пыр кежлӧ вунӧдас найӧс.

Закар 13:2

«Сійӧ лунӧ, – висьталӧ Господь Саваоф, – Ме бырӧда тайӧ мусьыс идолъясӧс, весиг налысь нимъяссӧ вунӧдасны. Нӧшта Ме бырӧда тайӧ мусьыс ылӧгпророкъясӧс да пеж лолӧс.

Лыд 32:38

да Сивма каръяс, нӧшта Нево да Ваал-Меон каръяс, кодъяслысь нимъяссӧ вежисны.

Ефесӧ 5:12

Налӧн гуся уджъяс йылысь ӧд яндзим весиг висьтавнысӧ.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

Индӧд 12:3

Налысь висьпуктанінъяссӧ бырӧдӧй, юрбитан изъяссӧ пасьвартӧй, юрбитан пуяссӧ сотӧй да бӧлбанъяссӧ жуглӧй, медым дзикӧдз вушъяс налӧн енъяслӧн нимыс.

Индӧд 4:15

Кор Господь Хорив керӧсын сёрнитіс тіянкӧд би пытшсянь, ті Сійӧс энӧ аддзылӧй. Сідзкӧ, ас бӧрсяныд сюся видзӧдӧй,

Индӧд 4:23

Видзчысьӧй, медым энӧ вунӧдӧй асланыд Господь Енлысь йитӧдсӧ, мый Сійӧ кӧрталіс тіянкӧд, да энӧ вӧчӧй аслыныд некутшӧм бӧлбанӧс да серпасалӧм идолӧс. Та йылысь ӧлӧдіс тіянӧс Господь, тіян Енныд.

Индӧд 4:9

Сюся видзӧдӧй ас бӧрсяныд, видзӧй сьӧлӧмнытӧ. Энӧ вунӧдӧй, мый аддзылінныд асланыд синмӧн, видзӧй сійӧс сьӧлӧманыд став олан лунъяс чӧжныд да висьталӧй сы йылысь асланыд ныв-пилы да налӧн ныв-пиыслы.

Индӧд 6:1

«Господь, тіян Енныд, тшӧктіс велӧдны тіянӧс индӧд-тшӧктӧмъясӧ, медым ті олінныд на серти сійӧ муас, кытчӧ ті мунанныд сійӧс босьтӧм могысь.

1 Тимофейлы 4:16

Видзӧд ас бӧрсяыд, кыдзи олан да мыйӧ велӧдан. Вӧч тайӧс дугдывтӧг, ӧд тадзи вӧчигӧн тэ асьтӧ мездан, тшӧтш тэнӧ кывзысьясӧс.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.

Нав Исус 22:5

Сӧмын олӧй Индӧд серти, мый тіянлы юӧртіс Мӧисей, Господьлӧн кесйӧг. Радейтӧй Господьӧс, ассьыныд Ентӧ, ветлӧй Сылӧн туйясӧд, олӧй Сылӧн тшӧктӧмъяс серти, кутчысьӧй Сы дінӧ да кесъялӧй Сылы став сьӧлӧмнад да став олӧмнад».

Нав Исус 23:11

Сідзкӧ, став сьӧлӧмсяньныд радейтӧй Господьӧс, ассьыныд Ентӧ.

Нав Исус 23:7

Энӧ сорласьӧй тіян пӧвстын олысь войтыръяскӧд. Энӧ казьтывлӧй налӧн енъяслысь нимъяссӧ да энӧ сетӧй кывнытӧ на водзын, энӧ кесъялӧй да энӧ юрбитӧй налӧн енъяслы.