Петӧм 22:31 - Коми Библия 2023

³¹ Лоӧй Менам вежа войтырӧн. Энӧ сёйӧй зверӧн косявлӧм пемӧслысь яйсӧ, шыбитӧй сійӧс понъяслы.

Петӧм 22:31 Kruisverwysings

Ездра 9:2

Тайӧ войтыръясысь найӧ босьтісны аслыныс да пияныслы гӧтыръясӧс. Тадзи вежа войтыр сорласис мукӧд войтыркӧд. Татшӧм мыж вӧчӧмыс петіс юралысьяссянь да веськӧдлысьяссянь».

Езекиль 4:14

Ме шуи: «Господьӧй Ыджыдӧй! Ме некор эг пежавлы ачымӧс. Том кадсянь талунъя лунӧдз ме эг сёйлы зверӧн косявлӧм пемӧслысь либӧ шой пемӧслысь яй. Ме вомӧ эг босьтлы пеж яй».

Езекиль 44:31

Попъяслы оз позь сёйны пӧтка-пемӧс шой да зверӧн косявлӧм пӧтка-пемӧс».

Левит 19:2

«Висьтав став Израиль войтырлы: лоӧй вежаӧсь, ӧд Ме вежа. Ме – Господь, тіян Енныд.

Левит 20:25

Ті тшӧтш торйӧдӧй сӧстӧм пемӧсӧс пеж пемӧсысь, сӧстӧм лэбачӧс пеж лэбачысь. Энӧ пежалӧй асьнытӧ сэтшӧм пемӧс-лэбач да му вывті котралысь-веглясьысь вӧсна, кутшӧмӧс Ме шуи пежӧн.

Левит 22:8

Шой да косявлӧм пемӧсӧс сылы оз позь сёйны, медым насянь эз пежав асьсӧ. Ме – Господь.

Левит 7:24

Кулӧм либӧ зверӧн косявлӧм пемӧс госнас вермасны вӧдитчыны овмӧсын, но сёйны сійӧс оз позь.

Ап. уджъяс 10:14

Петыр шуис: «Ог, Господьӧй. Ме некор эг сёйлы нинӧм шогмытӧмсӧ да пежсӧ».

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Индӧд 14:21

Энӧ сёйӧй пемӧс-лэбачлысь шойсӧ. Сетӧй сійӧс либӧ вузалӧй йӧз муысь локтысьяслы, кодъяс олӧны тіян каръясын. Ті – Господь Енлӧн вежа войтырыс. Эн пу кӧзапиӧс мамыслӧн йӧв пиын».