Петӧм 22:25 - Коми Библия 2023

²⁵ Менам войтырысь гӧль мортлы кӧ уджйӧзӧн сетан сьӧм, бӧрсӧ сылысь содтӧдӧн эн босьт.

Петӧм 22:25 Kruisverwysings

Ӧксыяслӧн 4 небӧг 4:1

Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Ӧксыяслӧн 4 небӧг 4:7

Ань муніс да ставсӧ висьталіс Енлӧн морт Елисейлы. Елисей шуис: «Мун, вузав выйтӧ да мынты уджйӧзтӧ. А мый коляс, сійӧ мед лоӧ тэныд да пияныдлы олӧм вылӧ».

Неемий 5:7

Мӧвпалӧм бӧрын ме чорыда сёрниті нималана йӧзкӧд да веськӧдлысьяскӧд. Ме шуи налы: «Сетӧм уджйӧзнытӧ ті содтӧдӧн босьтанныд асланыд вокъяслысь». Ме чукӧрті войтырӧс, медым на водзын мыжавны нималана йӧзӧс да веськӧдлысьясӧс.

Псалтыр 15:5

Господьӧй, Тэ менам пайыс да олӧмыс, менам пудйыс Тэнад киын.

Шусьӧгъяс 28:8

Уджйӧзалысь содтӧдӧн босьтысь чукӧртӧ сылы, коді отсалӧ гӧльяслы.

Еремей 15:10

– Курыд шог меным! Мамӧй, мыйла тэ чужтін менӧ, татшӧм мортсӧ, коді вензьӧ-пинясьӧ став йӧзыскӧд? Ме некодлы эг удждывлы, некодлысь эг водзӧсавлы, но ставныс ёрӧны менӧ.

Езекиль 18:13

уджйӧзӧн сетӧ, а бӧрсӧ содтӧдӧн босьтӧ. Татшӧм мортыс кутас ӧмӧй овны? Оз. Сійӧ оз кут овны. Татшӧм зывӧк ужъяссӧ вӧчысь кулас, сійӧ ачыс лоӧ мыжа аслас кулӧмысь.

Езекиль 18:17

гӧльӧс оз дзескӧд, и сетӧ кӧ уджйӧзӧн, бӧрсӧ содтӧдӧн оз босьт. Татшӧм мортыс олӧ Менам индӧд-тшӧктӧмъяс серти. Сійӧ овны кутас, и батьыслӧн мыж вӧсна сылы оз ков кувны.

Езекиль 18:7

Сійӧ некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс. Сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ.

Езекиль 18:8

Сетӧ кӧ уджйӧзӧн, бӧрсӧ содтӧдӧн оз босьт. Лёксӧ сійӧ оз вӧч, а вензьӧмъяс дырйи веськыда мыждӧ.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Амос 2:8

Уджйӧзӧн сетӧмысь коньӧръяслысь босьтӧны паськӧм, сы вылын куйлӧны быд висьпуктанін дорын, юрбитанінын юӧны мыжалӧм йӧзлысь перйӧм винасӧ.

Матвей 25:27

Тэныд колӧ вӧлі менсьым талантӧс сьӧмчукӧртанінӧ пуктыны. Сэки локтӧм бӧрам ме эськӧ содтӧдӧн босьті.

Лука 19:23

Мыйла сьӧмчукӧртанінӧ эн пукты менсьым сьӧмӧс? Сэки локтӧм бӧрам ме эськӧ содтӧдӧн босьті”.

Индӧд 15:7

Сійӧ муас, мый Господь, тіян Енныд, сетас тіянлы, войтыр пӧвстаныд кӧ карын либӧ сиктын лоӧ гӧль морт, сэки энӧ чорзьӧдӧй сьӧлӧмнытӧ, энӧ кольӧй вокнытӧ отсӧгтӧг.

Индӧд 24:13

Шонді пуксьытӧдзыс бӧр сет сылы паськӧмсӧ, медым аслас паськӧмӧн водас узьнысӧ да бурсиас тэнӧ. Сэки тэ лоан аслад Господь Ен водзын веськыдӧн.