Петӧм 22:24 - Коми Библия 2023

²⁴ Сэки ӧзъяс Менам скӧрлунӧй, и Ме виа тіянӧс шыпуртӧн. Тіян гӧтыръясныд лоасны дӧваясӧн, челядьныд колясны бать-мамтӧг.

Петӧм 22:24 Kruisverwysings

Неемий 5:7

Мӧвпалӧм бӧрын ме чорыда сёрниті нималана йӧзкӧд да веськӧдлысьяскӧд. Ме шуи налы: «Сетӧм уджйӧзнытӧ ті содтӧдӧн босьтанныд асланыд вокъяслысь». Ме чукӧрті войтырӧс, медым на водзын мыжавны нималана йӧзӧс да веськӧдлысьясӧс.

Иов 31:23

Енлӧн ыджыдалан выныс водзын ме эськӧ эг вермы сулавны, но ме пола Сылӧн мыждӧмысь.

Псалтыр 109:2

Господь мӧдӧдас Тэныд юралан бедьсӧ Сионсянь, медым Тэ ыджыдалін вӧрӧгыд вылын.

Псалтыр 15:5

Господьӧй, Тэ менам пайыс да олӧмыс, менам пудйыс Тэнад киын.

Псалтыр 76:7

Войнас ме казьтывла ассьым сьыланкывъясӧс, мӧвпала да кӧсъя тӧдны,

Псалтыр 90:11

Аслас анделъяслы Господь тшӧктӧ видзны тэнӧ став тэнад туйяс вылын.

Еремей 15:8

Дӧваяслӧн лыдыс лоӧ саридздор лыа дорысь на унджык. Луншӧр кадӧ Ме мӧдӧда мамъяс дінӧ эмбур мырддялысьясӧс, виччысьтӧг мамъясӧс суас полӧм-тіралӧм.

Еремей 18:21

Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.

Бӧрданкыв 5:3

Ми колим батьястӧг, мамъясным лоины дӧваясӧн.

Левит 25:35

«Тэнад войтырысь кӧ кодкӧ гӧльмас да оз вермы тӧждысьны ас вӧснаыс, отсав сылы. Сійӧ мед тэ ордын олас йӧз муысь локтысь морт моз.

Левит 25:36

Аслыд мыйкӧ чуктӧдӧм могысь содтӧдӧн сылысь эн босьт. Аслад Енмысь пов, и аслад войтырысь мортлы лэдз ас ордад овны. [Ме – Господь.]

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Лука 6:38

Сетӧй, сэки тіянлы сетасны. Сетасны бур муртӧсӧн, топыда тувкӧдӧмӧн, моздор тырныд сӧвтӧмӧн. Асланыд мурталӧм серти тіянлы мурталасны».

Индӧд 23:20

Йӧз муысь локтысьлысь верманныд содтӧдӧн босьтны, но ас войтыр мортлысь энӧ, медым Господь, тіян Енныд, бурсиас тіянӧс быд уджын сійӧ муас, кытчӧ ті мунанныд сійӧс босьтӧм могысь.

Индӧд 23:21

Аслад Господь Енлы кӧ кыв сетан, вӧч ньӧжмасьтӧг, ӧд Господь, тэнад Енмыд, виччысьӧ, мый тэ кыв сетӧмтӧ збыльмӧдан, а он кӧ, тэ мыжа лоан.

Еврейяслы 10:31

Ёна повзьӧдана веськавны ловъя Енлӧн киӧ!