Петӧм 21:7 - Коми Библия 2023

⁷ Морт кӧ вузалас ассьыс нывсӧ кесйӧг туйӧ, нылыс оз вермы кесйӧг айулов моз вӧля вылӧ петны.

Петӧм 21:7 Kruisverwysings

Неемий 5:5

Мыйӧн нӧ ми торъялам вокъясысь? Миян челядьным тшӧтш ӧткодьӧсь. Но миянлы быть лоӧ кесйӧг туйӧ вузавны ныв-пинымӧс. Кодсюрӧ нывъясным кесйӧг туйынӧсь нин. Ми нинӧм огӧ вермӧй вежны, ӧд муясным да виноград йӧръясным йӧз киын».

Петӧм 21:6

сэки ыджыдыс мед вайӧдас сійӧс Ен водзӧ, сувтӧдас ӧдзӧс либӧ ӧдзӧс курич бердӧ да пельсӧ розьӧдас шылаӧн. Та бӧрын тайӧ кесйӧгыс кольӧ сы ордӧ пыр кежлӧ.

Петӧм 21:8

Кесйӧг ань кӧ оз ло шогмана аслас ыджыдлы, коді кӧсйис босьтны сійӧс кесйӧг-гӧтырӧ, сэки ыджыдыс мед вузалас сійӧс сэтшӧм мортлы, коді лэдзас сійӧс вӧля вылӧ. Мукӧд войтырлы мед оз вузав ӧтдортӧм аньӧс.