Петӧм 21:6 - Коми Библия 2023

⁶ сэки ыджыдыс мед вайӧдас сійӧс Ен водзӧ, сувтӧдас ӧдзӧс либӧ ӧдзӧс курич бердӧ да пельсӧ розьӧдас шылаӧн. Та бӧрын тайӧ кесйӧгыс кольӧ сы ордӧ пыр кежлӧ.

Петӧм 21:6 Kruisverwysings

Ӧксыяслӧн 3 небӧг 12:7

Найӧ шуисны: «Тэ кӧ талун кутан кесъявны тайӧ войтырыслы, могмӧдан налысь корӧмсӧ да бурногӧн вочавидзан налы, найӧ став олӧм чӧжныс лоасны тэныд кесйӧгъясӧн».

Псалтыр 82:1

Сьыланкыв. Асафлӧн псалом.

Петӧм 12:12

Дзик тайӧ войӧ Ме муна Египет муӧд да виа тайӧ муысь быд медводдза чужысьӧс йӧз пӧвстысь и ыж-мӧс пӧвстысь. Тадзи Ме мыжда египетса став енсӧ, ӧд Ме – Господь.

Петӧм 21:22

Зык-вен дырйи кӧ морт вачкас кынӧма аньӧс, и кагаыс петас, но кага воштӧмысь ӧтдор аньлӧн мукӧдлаті оз доймав, таысь мыжаыс мед вештысяс, мыйта шуас аньлӧн верӧсыс либӧ ёрдысь.

Петӧм 21:5

Но кесйӧгыс кӧ шуас, мый радейтӧ ыджыдсӧ, гӧтырсӧ да челядьсӧ, и оз кӧсйы петны вӧля вылӧ,

Петӧм 21:7

Морт кӧ вузалас ассьыс нывсӧ кесйӧг туйӧ, нылыс оз вермы кесйӧг айулов моз вӧля вылӧ петны.

Петӧм 22:28

Эн омӧльт Енмӧс, эн ёр ас войтырыдлысь юралысьтӧ.

Исай 1:26

Ме пукта тэныд воддза кодь ёрдысьясӧс, сувтӧда воддза кодь туйдӧдысьясӧс. Сэки шуасны тэнӧ веськыда олысьяслӧн карӧн, эскана войтырлӧн юркарӧн.

Левит 25:23

«Мунытӧ пыр кежлӧ энӧ вузалӧй, ӧд сійӧ Менам, а ті сэні йӧз муысь локтысьяс, Менам муӧ овмӧдчысьяс.

Левит 25:40

Тэ ордын сійӧ мед олас меда морт либӧ йӧз муысь локтысь моз. Тшупӧда воӧдз мед уджалас тэ ордын,

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Индӧд 1:16

Тіян ёрдысьяслы ме тшӧкті: ”Кывзӧй вокъяснытӧ да мыждӧй найӧс веськыда, кор вокъяс костын либӧ израильса морт да йӧз муысь локтысь костын кыптас зык-вен.

Индӧд 15:16

Но кесйӧгыд кӧ шуас, мый оз кӧсйы мунны тэ ордысь, ӧд сійӧ радейтӧ тэнӧ да тэнсьыд гортсатӧ, и сылы тэ ордын бур,

Индӧд 15:17

сэки босьт шыла да розьӧд сылысь пельсӧ ӧдзӧс бердад. Тадзи сійӧ пыр кежлӧ лоӧ тэнад кесйӧгӧн. Кесйӧг анькӧд тшӧтш тадзи вӧч.

Индӧд 16:18

«Быд карын, мый Господь, тіян Енныд, сетас тіянлы, индӧй чужанкотыръяслы ёрдысьясӧс да веськӧдлысьясӧс. Найӧ мед веськыда мыждасны войтырӧс.

Ӧксыяслӧн 1 небӧг 1:22

Анна накӧд эз мун. Сійӧ шуис верӧсыслы: «Кор каганым быдмыштас да дугдас нёнясьны, сэки ме вайӧда сійӧс Силомӧ Господь водзӧ, и сійӧ кольччас сэтчӧ пыр кежлӧ».

Ӧксыяслӧн 1 небӧг 27:12

Акиш эскис Давидлы. Чайтіс, мый Давид мустӧммис аслас Израиль войтырлы. Та вӧсна мӧвпаліс, мый Давид кутас пыр кесъявны сылы.

Ӧксыяслӧн 1 небӧг 28:2

Давид вочавидзис Акишлы: «Талун тэ аддзан, мый вылӧ сяммӧ тэнад кесйӧгыд». Акиш шуис Давидлы: «Таысь ме пукта тэнӧ пыр кежлӧ менӧ видзысьӧ».