Петӧм 20:3 - Коми Библия 2023

³ Эн юрбит мукӧд енъяслы Меысь ӧтдор.

Петӧм 20:3 Kruisverwysings

Ӧксыяслӧн 3 небӧг 11:4

асланыс енъяс дорӧ. Пӧрысьладорыс Соломонлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид батьыслӧн.

Псалтыр 29:2

Господьӧй, ме ыдждӧдла Тэнӧ, ӧд Тэ кыпӧдін менӧ, эн сет менӧ мустӧмтысьлы нимкодясьны.

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Петӧм 20:23

Энӧ вӧчӧй аслыныд эзысь да зарни енъясӧс.

Петӧм 22:19

Быдӧнӧс, коді узьлӧ пемӧскӧд, колӧ вины.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Петӧм 32:8

Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»

Петӧм 34:14

Господьысь ӧтдор мукӧд енъяслы энӧ копрасьӧй, ӧд Господь – вежӧгтысь Ен.

Исай 26:4

Лачанытӧ пыр кутӧй Господь вылӧ, ӧд Господь Ен – нэмъяс чӧж сулалысь изкырта.

Исай 42:8

Ме – Господь, тайӧ Менам нимӧй. Ассьым дзирдлунӧс Ме некодлы ог сет. Ошкӧмсӧ, мый лӧсялӧ Меным, ог сет идолъяслы.

Исай 43:10

Ті ӧд тӧданныд, мый Ме – Енмыс, – висьталӧ Господь. – Тэ, Израиль, Менам кесйӧгӧй, Ме бӧрйи тэнӧ, медым ті тӧдінныд Менӧ да эскинныд Меным, медым ті гӧгӧрвоинныд, коді Ме. Меӧдз эз вӧв енмыс, и Ме бӧрти оз ло.

Исай 44:8

Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.

Исай 46:9

Казьтыштӧй, мый вӧлі водзынджык, му пуксьӧмсяньыс. Ме – Енмыс, и мӧдыс абу, Ме – Енмыс, и Ме кодь мӧдыс абу.

Еремей 25:6

Энӧ юрбитӧй мукӧд енъяслы, энӧ кесъялӧй да энӧ копрасьӧй налы, энӧ скӧрмӧдӧй Господьӧс асланыд киӧн вӧчӧмторъясӧн, сэки Сійӧ оз вӧч тіянлы лёксӧ”.

Еремей 35:15

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы: бергӧдчӧй асланыд лёк туй вылысь, вӧчӧй бурсӧ, энӧ юрбитӧй мукӧд енъяслы да энӧ кесъялӧй налы, сэки ті кутанныд овны сійӧ муас, мый Ме сеті тіянлы да тіян батьяслы. Но ті энӧ сибӧдӧй Менсьым кывъясӧс, энӧ кывзӧй Менӧ.

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Даниил 3:18

Но весиг кӧ оз мезды, тӧд, ӧксыӧй, мый ми огӧ кутӧй кесъявны тэнад енъяслы и огӧ копыртчылӧй тэӧн сувтӧдӧм зарни бӧлбанлы».

Осий 13:4

Но Ме, Господь, Египетысь петігад нин вӧлі тэнад Ен. Меысь ӧтдор мӧд енмыс тэнад абу, Меысь кындзи мӧд мездысьыс абу.

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

1 Коринфӧ 8:4

Ӧні висьталышта идоллы вайӧм сёян йылысь. Ми тӧдам, мый идолыс збыльвылас абу, эм сӧмын ӧти Ен.

1 Коринфӧ 8:6

но миян эм сӧмын ӧти Ен Бать. Сійӧ ставсӧ вӧчӧма, Сылы ми олам. Миян эм сӧмын ӧти Господь – Исус Кристос. Сы пыр вӧчӧма ставсӧ, Сы пыр сетӧма миянлы олӧм.

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

Индӧд 5:7

Эн юрбит мукӧд енъяслы Меысь ӧтдор.

Индӧд 6:14

Мукӧд енъяслы, тіян гӧгӧр олысь войтыръяслӧн енъяслы, энӧ юрбитӧй,

Индӧд 6:5

Радейт Господьӧс, ассьыд Ентӧ, став сьӧлӧмнад, став олӧмнад да став выннад.

Филипӧ 3:19

Налӧн помыс – кулӧм, налӧн енмыс – рушкуныс, найӧ ошйысьӧны асланыс янӧдан уджъясӧн. Найӧ мӧвпалӧны сӧмын мувывсаыс йылысь.

Колосӧ 2:18

Некод мед оз ылӧд тіянӧс аслас рамлунӧн, анделъяслы юрбитӧмӧн да ылӧг аддзылӧмъяснас ошйысьӧмӧн. Морт вежӧрнаныс мӧвпалігӧн найӧ вылӧ пуктӧны асьнысӧ.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Восьтӧм 22:9

Но андел шуис меным: «Эн вӧч тайӧс! Ме кесъяла Енмыслы тэ моз, пророкъяс-вокъясыд моз да на моз, кодъяс олӧны тайӧ небӧгас гижӧм серти. Енмыслы копыртчыв!»

Ёрдысьяс 6:10

Ме шуи тіянлы, мый Ме – Господь, тіян Енныд, энӧ юрбитӧй аморейяслӧн енъяслы. Но налӧн муас оліганыд ті энӧ кывзӧй Менӧ”».