25 Ен бергӧдіс Ассьыс чужӧмбансӧ Израиль пиянлань.
Гашкӧ, Господь аддзас, кыдзи увтыртӧны менӧ, да менӧ ёрӧмысь бурӧн мынтысяс меным».
Сьылӧмӧн сійӧ кутас юӧртны йӧзыслы: «Ме мыж вӧчи, эг вӧв веськыд, но Енмыс эз мынтысь меным уджъясӧй серти.
Господь тӧдӧ веськыда олысьяслысь туйсӧ, а лёк вӧчысьяслӧн туйыс нуӧдӧ кулӧмӧ.
«Ме велӧда тэнӧ, – шуӧ Господь, – петкӧдла тэныд колана туйсӧ. Ме туйдӧда тэнӧ, Менам синмӧй видзӧдӧ тэ бӧрся.
Египетын юралысьӧ пуксис выль ӧксы, коді Ӧсип йылысь нинӧм эз тӧд.
Мӧисей висьталіс тесьтыслы ставсӧ, мый Господь вӧчис фараонлы да Египетлы Израиль вӧсна. Висьталіс, кутшӧм сьӧкыдлунъяс вӧліны налӧн туяныс, да кыдзи Господь мездіс найӧс [фараон да египетса киысь].
Израиль войтырлӧн горзӧмыс воис Меӧдз. Ме аддза, кыдзи египетсаяс топӧдӧны найӧс.
Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.
Сэки Ме вочавидза налы: ”Ог тӧд тіянӧс. Мунӧй Ме дінысь, лёксӧ вӧчысьяс!”»
«Господь вӧчис тайӧс. Сійӧ бергӧдчис мелань да вештіс менсьым йӧз водзын яналӧмӧс».
Ме аддза Аслам войтырлысь Египетын сьӧкыдалӧмсӧ да кыла налысь ойзӧмсӧ. Ме лэччи мездыны найӧс. Ӧні мун, Ме мӧдӧда тэнӧ Египетӧ”.
Но ми шыасим отсӧгла Господь дінӧ, миян батьяслӧн Ен дінӧ, и Господь кыліс миянӧс. Сійӧ аддзис миянлысь шогнымӧс, мырсьӧмнымӧс да миянӧс дзескӧдӧмсӧ.
Анна кыв сетіс Сылы: «Господь Саваоф, [Ставсӧвермысь Енмӧй,] эн вунӧд менӧ, Ассьыд кесйӧгтӧ! Видзӧдлы менам шогсьӧм вылӧ, казьтышт менӧ! Господьӧй, сетан кӧ меным пиӧс, ме сета сійӧс Тэныд пыр кежлӧ. Сійӧ [вина-сур оз кут юны,] юрсисӧ некор оз шыр».
