Петӧм 19:21 - Коми Библия 2023

²¹ Господь шуис Мӧисейлы: «Лэччы да ӧлӧд войтыртӧ, мед оз матыстчыны Ме дінӧ. Матыстчасны кӧ, сэки унаӧн куласны.

Петӧм 19:21 Kruisverwysings

Петӧм 3:3

«Муна видзӧдла тайӧ ыджыд шензьӧданаторйыс вылӧ, мыйла нӧ лежнӧгыс оз сотчы», – шуис сійӧ.

Петӧм 3:5

Ен шуис: «Водзӧ эн воськовт! Пӧрччы кӧмтӧ, ӧд муыс, кӧні тэ сулалан, вежа».

Петӧм 33:20

Сэсся Господь шуис: «Тэ он вермы видзӧдны Менам чужӧмбан вылӧ. Ме вылӧ видзӧдлӧм бӧрын мортыс оз вермы ловйӧн кольны».

Еклесиаст 5:1

Кывтӧ шуны эн тэрмась, мӧвпышттӧг Ен водзын эн сёрнит, Енмыс ӧд енэжын, а тэ му вылын. Сідзкӧ, сёрниыд мед оз ло уна кывъя.

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Лыд 4:18

«Видзӧдӧй, медым Кааф рӧдыс эз быр левитъяс лыдысь.

Лыд 4:19

Аарон да сылӧн пияныс мед индасны Кааф пиянлы, кодлы мый колӧ вӧчны да мый новлӧдлыны. Вежасьыс-вежаинлань матыстчигӧн Кааф рӧдыс медым эз кув, а ловйӧн колис,

Лыд 4:20

найӧ мед оз матыстчыны да оз видзӧдны, кыдзи вевттялӧны вежа дозмук-кӧлуйсӧ. Ӧд найӧ кӧ аддзыласны вежа дозмук-кӧлуйсӧ, куласны».

Индӧд 5:5

Сэки ме сулалі Господь да тіян костын, медым Сылысь кывъяссӧ висьтавны тіянлы. Ті полінныд биысь да керӧс вылӧ энӧ кыпӧдчӧй. Господь шуис:

Ӧксыяслӧн 1 небӧг 6:19

[Бет-Шемешын олысьяс пиысь Еконейлӧн рӧдыс эз нимкодясь Господьлысь кудсӧ аддзылӧмысь.] Куд пытшкӧ видзӧдлӧмысь Господь бырӧдіс Бет-Шемеш карысь ветымын сюрс сизимдас мортӧс. Сэтчӧс олысьяс ырзӧмӧн бӧрдісны, ӧд Господь чорыда мыждіс найӧс.