Петӧм 19:11 - Коми Библия 2023

¹¹ дасьтысясны коймӧд лун кежлӧ, ӧд коймӧд луннас став войтырлӧн син водзын Господь лэччас Синай керӧс вылӧ.

Петӧм 19:11 Kruisverwysings

Олӧм 11:5

Господь лэччис видзӧдлыны лэптан карсӧ да башнясӧ.

Неемий 9:13

Тэ лэччин Синай керӧс вылӧ, сёрнитін накӧд енэжсяньыс, сетін налы веськыд Индӧд, бур шуӧмъяс да тшӧктӧмъяс.

Псалтыр 144:5

Ме тӧдмала-туяла Тэнсьыд дзирдлунтӧ да вынтӧ, Тэнсьыд шензьӧдана уджъястӧ,

Псалтыр 18:9

Господьлӧн тшӧктӧмъясыс веськыдӧсь, гажӧдӧны сьӧлӧмтӧ. Господьлӧн велӧдӧмыс югыд, югдӧдӧ синтӧ.

Петӧм 19:16

Коймӧд луннас водз асывсянь гымаліс-чардаліс, Синай керӧс вевттьысис сук кымӧрӧн, кыліс горасьыс-гора буксан шы. Чомъяс дінын став войтырыс полӧмысла тіраліс.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Петӧм 19:20

Синай керӧс вылӧ лэччӧм бӧрын Господь корис Мӧисейӧс кайны сэтчӧ. Мӧисей кайис.

Петӧм 24:16

Енлӧн дзирдлуныс лэччис сэтчӧ. Квайт лун чӧж керӧсыс вӧлі кымӧр вевттьӧд улын. Сизимӧд луннас Господь шыасис Мӧисей дінӧ кымӧр пытшсяньыс.

Петӧм 24:17

Израиль пиян аддзылісны Господьлысь дзирдлунсӧ. Дзирдлуныс вӧлі керӧс вылын сотысь би кодь.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 34:2

Асывводз кежлӧ тэ ло дась. Асывнас кай Синай керӧс вылӧ да сувт сэні Ме водзӧ.

Петӧм 34:5

Господь лэччис Мӧисей дінӧ кымӧр пытшкын да юӧртіс, мый Сылӧн нимыс – Господь.

Лыд 11:17

Ме лэчча да кута сёрнитны сэні тэкӧд. Тэ вылысь Ловсӧ Ме юкла да пукта тшӧтш на вылӧ. Сэки найӧ тэкӧд ӧтвылысь пондасны нуны войтыр вӧсна сьӧкыдсӧ, а он нин тэ ӧтнад.

Иоан 3:13

Енэжас олысь да енэжсянь лэччӧм Морт Пиысь кындзи енэжас некод на эз кыпӧдчыв.

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Индӧд 33:2

– Синай керӧссянь Господь лэччис, Сеир керӧсвыв му весьтын шонді моз петіс, Паран керӧс вылын петкӧдчис. Сійӧ локтіс лыдтӧм-тшӧттӧм вежаяскӧд, Сылӧн веськыдвылас ыпъяліс-ӧзъяліс би.

Индӧд 4:10

Висьталӧй налы сійӧ луныс йылысь, кор ті [чукӧртчинныд да] сулалінныд Господь Енныд водзын Хорив керӧс дорын. Сэні Господь шуис меным: ”Чукӧрт войтырсӧ Ме дінӧ, Ме висьтала налы Ассьым кывъясӧс. Му вылын став олан лунъяс чӧжныс найӧ мед поласны Меысь да мед велӧдасны ассьыныс ныв-пинысӧ тадзи овны”.

Нав Исус 3:5

Исус шуис войтырыслы: «Вежӧдӧй-сӧстӧммӧдӧй асьнытӧ [асывводз кежлас], ӧд аски Господь тіян пӧвстын вӧчас шензьӧданаторъяс».