Петӧм 16:4 - Коми Библия 2023

⁴ Господь шуис Мӧисейлы: «Ме сета тіянлы енэжсянь нянь, зэр моз кисьта сійӧс. Войтырыд мед быд лун петас чукӧртны няньсӧ, кодлы мыйта колӧ лун кежлӧ. Тадзи Ме тӧдмала, кутасны-ӧ найӧ овны Менам Индӧд серти.

Петӧм 16:4 Kruisverwysings

Неемий 11:23

На йылысь ӧксысянь вӧлі тшӧктӧм, мый колӧ сетны налӧн быдлунъя олӧм вылӧ.

Неемий 9:15

Тшыгъяліганыс Тэ сетін налы енэжсянь нянь, горш косьмиганыс Тэ изкыртаысь перйин налы ва. Тэ тшӧктін налы мунны да босьтны аслыныс му, мый китӧ лэптӧмӧн кӧсйысин сетны налы.

Неемий 9:20

Тэ сетін налы Ассьыд бурлуна Ловтӧ, медым велӧдны найӧс. Тэ эн дугды вердны найӧс маннаӧн, сетін налы ва, мед эз косьмы налӧн горшыс.

Псалтыр 105:40

Господьлӧн скӧрлуныс ыпнитіс Аслас войтыр вылӧ, Сійӧ зывӧктіс Ассьыс бӧрйӧмаяссӧ.

Петӧм 15:25

Мӧисей шыасис Господь дінӧ. Господь индіс сылы путор. Тайӧ путорсӧ сійӧ шыбитіс ваӧ, и ваыс лои юмов. Мараын Енмыс сетіс войтырыслы индӧд-тшӧктӧмъяс, сэні тӧдмаліс найӧс.

Петӧм 16:15

Израиль пиян кор аддзисны тайӧс, пондісны юасьны ӧта-мӧдныслысь: «Мый нӧ тайӧ?» Ӧд найӧ эз тӧдны, мый тайӧ. Мӧисей шуис налы: «Тайӧ нянь. Господь сетӧ сійӧс тіянлы сёйны.

Шусьӧгъяс 30:8

вешты ме дінысь ковтӧм сёрни да пӧръясьӧм, гӧльлун да озырлун эн сет меным, тырмымӧн пӧткӧд менӧ няньӧн.

Матвей 6:11

Сет миянлы талун кежлӧ няньнымӧс.

Лука 11:3

Сет миянлы быд лун кежлӧ няньнымӧс.

1 Коринфӧ 10:3

Найӧ ставныс пӧткӧдчисны ӧти сёянӧн – Ловсянь сёянӧн,

Индӧд 8:16

Овтӧминын Сійӧ вердіс тіянӧс маннаӧн, мый [ті энӧ тӧдлӧй и] батьясныд эз тӧдлыны. Тадзи Сійӧ раммӧдіс да тӧдмаліс тіянӧс, но бӧрынджык бурсӧ вӧчис тіянлы.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».