Петӧм 15:27 - Коми Библия 2023

²⁷ Израиль пиян воисны Элимӧ. Сэні вӧлі дас кык ва петанін да сизимдас финик пу. Сэтчӧ ва дорас найӧ сувтӧдісны чомъяснысӧ.

Петӧм 15:27 Kruisverwysings

Псалтыр 23:2

Господь пуктіс мулысь подувсӧ саридзьяс вылӧ, сувтӧдіс сійӧс юяс вылӧ.

Петӧм 16:1

Элимысь мӧдӧдчӧм бӧрын став Израиль войтыр воис Син овтӧминӧ. Тайӧ овтӧминыс куйліс Элим да Синай костын. Египетысь петӧмсянь мӧд тӧлысьлӧн дас витӧд лунӧ воисны сэтчӧ.

Исай 12:3

Ті нимкодьпырысь понданныд гумлавны васӧ мездлуныслӧн юкмӧсысь.

Езекиль 47:12

Ю ӧтар-мӧдар пӧлӧныс кутасны быдмыны быдсяма вотӧса пуяс. Налӧн коръясыс оз косьмыны, и налӧн вотӧсыс оз бырлы. Пуясыс быд тӧлысь вайӧны вотӧс, ӧд найӧс юкталӧ вежаинсянь визувтысь ва. Тайӧ пуяслысь вотӧссӧ кутасны сёйны, а корнас бурдӧдчыны».

Лыд 33:9

Мараысь мунісны Элимӧ, кӧні вӧлі дас кык юкмӧс да сизимдас финик пу, да сувтісны сэтчӧ.

Восьтӧм 22:2

Карлӧн паськыд туй шӧрас, ю ӧтар-мӧдар бокас, быдмис Олӧмыслӧн пу, коді вайӧ вотӧссӧ быд тӧлысь, вонас – дас кыкысь. Сылӧн коръясыс бурдӧдӧны войтыръясӧс.

Восьтӧм 7:17

Ӧд Баляыс, пуклӧс водзын Сулалысьыс, кутас видзны найӧс, Сійӧ вайӧдас найӧс ловъя ва петанінӧ, и Енмыс чышкас налысь став синвасӧ.