Петӧм 15:25 - Коми Библия 2023

²⁵ Мӧисей шыасис Господь дінӧ. Господь индіс сылы путор. Тайӧ путорсӧ сійӧ шыбитіс ваӧ, и ваыс лои юмов. Мараын Енмыс сетіс войтырыслы индӧд-тшӧктӧмъяс, сэні тӧдмаліс найӧс.

Петӧм 15:25 Kruisverwysings

Ӧксыяслӧн 4 небӧг 2:21

Елисей муніс ва петанін дорӧ, шыбитіс сэтчӧ совсӧ да шуис: «Господь тадзи висьталӧ: ”Ме бурдӧді-сӧстӧммӧді васӧ. Водзӧвылӧ сійӧ некодлы оз кут вайны кулӧм, и му вылас ставыс кутас быдмыны”».

Ӧксыяслӧн 4 небӧг 4:41

Елисей корис пызьтор, пуктіс сійӧс шыд пиӧ да шуис [Гезийлы]: «Сет ставныслы сёйны». Шыд пиын некутшӧм пагӧдантор эз нин вӧв.

Ӧксыяслӧн 4 небӧг 6:6

Енлӧн морт юаліс: «Кытчӧджык сійӧ усис?» Мӧдыс петкӧдліс местасӧ. Елисей керыштіс путор да шыбитіс сійӧс чер усянінӧ. Черыс пырысьтӧм-пыр кыптіс ва веркӧсӧ.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Псалтыр 81:7

но мувывса йӧз моз ті куланныд, ӧксыяс моз усянныд».

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Петӧм 14:10

Фараон матыстчис. Израильсаяс кор аддзисны, мый египетсаяс вӧтӧдӧны найӧс, ёна повзисны да бӧрдӧмӧн шыасисны Господь дінӧ.

Петӧм 16:4

Господь шуис Мӧисейлы: «Ме сета тіянлы енэжсянь нянь, зэр моз кисьта сійӧс. Войтырыд мед быд лун петас чукӧртны няньсӧ, кодлы мыйта колӧ лун кежлӧ. Тадзи Ме тӧдмала, кутасны-ӧ найӧ овны Менам Индӧд серти.

Петӧм 17:4

Мӧисей шыасис Господь дінӧ: «Мый меным вӧчны тайӧ войтырыскӧд? Регыд менӧ изъяласны».

Петӧм 20:20

Мӧисей шуис войтырыслы: «Энӧ полӧй. Енмыс локтіс [тіян дінӧ], медым тӧдмавны тіянӧс, медым ті полінныд Сыысь да энӧ вӧчӧй мыж».

Шусьӧгъяс 17:3

Эзысьтӧ да зарнитӧ биын сывдӧны, а сьӧлӧмтӧ Господь тӧдмалӧ.

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Еремей 9:7

Та вӧсна Господь Саваоф тадзи висьталӧ: – Ме сывда да тӧдмала Ассьым войтырӧс. А кыдзи Меным мӧд ногӧнсӧ вӧчны?

Езекиль 47:7

Вадорысь ме аддзи зэв уна пу. Найӧ быдмисны ю ӧтар-мӧдар пӧлӧныс.

Езекиль 47:8

Морт шуис меным: «Тайӧ ваыс визувтӧ асыввыв муясӧ, лэччӧ Йӧрдан ковтысӧ да усьӧ Сола саридзӧ. Сэні ваыс бурмас да водзӧ оз нин ло сола.

1 Коринфӧ 1:18

Вошӧмаяслы крест йылысь висьталӧмыс – йӧйталӧм, а миянлы, мездмӧмаяслы – Енлӧн выныс.

Индӧд 13:3

но ті сылысь кывъяссӧ энӧ кывзӧй. Ӧд тадзи Господь, тіян Енныд, кӧсйӧ тӧдмавны, радейтанныд-ӧ ті Господьӧс, ассьыныд Ентӧ, став сьӧлӧмнад да став олӧмнад.

Индӧд 8:16

Овтӧминын Сійӧ вердіс тіянӧс маннаӧн, мый [ті энӧ тӧдлӧй и] батьясныд эз тӧдлыны. Тадзи Сійӧ раммӧдіс да тӧдмаліс тіянӧс, но бӧрынджык бурсӧ вӧчис тіянлы.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

Ёрдысьяс 2:22

Тайӧ войтыръясыс отсӧгӧн Ме тӧдмала Израиль войтырӧс. Тӧдмала, кутасны-ӧ найӧ кывзысьны Менсьым да ветлыны Менам туйӧд батьясныс моз».

Ёрдысьяс 3:1

Со кутшӧм войтыръясӧс ловйӧн колис Господь, медым на отсӧгӧн тӧдмавны израильсаясӧс, кодъяс Ханаан му босьтігӧн эз аддзывны тыш.

Ёрдысьяс 3:4

Найӧс вӧлі кольӧма, медым тӧдмавны, олас-ӧ Израиль войтыр Господьлӧн тшӧктӧмъясыс серти, кутшӧмъясӧс вӧлі сетӧма Мӧисей пыр налӧн батьяслы на.