Петӧм 15:1 - Коми Библия 2023

¹ Сьыла Господьлы, ӧд Сійӧ ыджыд. Вӧвъясӧс да верзьӧмаясӧс Сійӧ саридзын пӧдтіс!

Петӧм 15:1 Kruisverwysings

Неемий 9:11

Миян батьяс водзын Тэ шӧри поткӧдін саридз, и найӧ вуджисны сійӧс косінті. На бӧрся вӧтчысьясӧс Тэ вӧйтін джуджыд саридзӧ, изйӧс моз шыбитін бузгысь ваӧ.

Иов 36:24

Эн вунӧд ошкыны Сылысь уджъяссӧ, мый йылысь йӧзыс сьылӧны.

Псалтыр 105:43

Господь унаысь мездыліс найӧс, но найӧ кыпӧдчисны Сылы паныд, асныралӧмнас вӧйисны мыжас.

Псалтыр 106:12

Господь раммӧдліс налысь сьӧлӧмсӧ сьӧкыд уджӧн. Найӧ усисны кок йывсьыныс, и отсалысьыс эз вӧв.

Псалтыр 107:8

Енмыс шуис Аслас вежаинсянь: «Нимкодьпырысь Ме юкла тіянлы Сикем му, муртала тіянлы Суккот ковтыс.

Псалтыр 32:7

Ыджыд чукӧрӧ Сійӧ чукӧртіс саридзса ваяс, Аслас видзанінӧ пуктіс джуджыд юяс.

Псалтыр 76:6

Ме мӧвпала важ олӧм йылысь, воддза кадыс йылысь.

Псалтыр 76:7

Войнас ме казьтывла ассьым сьыланкывъясӧс, мӧвпала да кӧсъя тӧдны,

Петӧм 14:26

Господь шуис Мӧисейлы: «Нюжӧд китӧ саридзланьыс, мед ваыс бӧр бергӧдчас да пӧдтас египетсалысь вӧла-тарантаса тышкайӧзсӧ».

Петӧм 14:27

Мӧисей нюжӧдіс кисӧ саридзлань, и асъядорыс ваыс бӧр кутіс визувтны важ мозыс. Египетсаяс пышйисны ва паныдыс. Тадзи Господь вӧйтіс саридз шӧрӧ египетсаӧс.

Петӧм 15:21

Мирьям сьыліс: «Сьылӧй Господьлы, ӧд Сійӧ ыджыд! Вӧвъясӧс да верзьӧмаясӧс Сійӧ саридзын пӧдтіс».

Петӧм 18:11

Ӧні ме тӧда, мый Господь став енсьыс ыджыд, ӧд Израиль войтырӧс Сійӧ мездіс вылӧ кыпӧдчысь египетсаяслӧн кипод улысь».

Шусьӧгъяс 29:6

Лёк мортлӧн мыжыс сійӧс асьсӧ тывйыштӧ, а веськыда олысь гажӧдчӧ да нимкодясьӧ.

Исай 42:10

Сьылӧй Господьлы выль сьыланкыв, ошкӧй Сійӧс быд му пельӧсын! Ошкӧй Сійӧс, саридз вывті кывтысьяс и саридзын олысьяс. Ошкӧй Сійӧс, саридздорса муяс и саридз дорын олысьяс.

Еремей 51:21

Тэӧн Ме пасьвартлі вӧлӧс и верзьӧмаӧс, пасьвартлі тарантас и сыӧн веськӧдлысьӧс.

Осий 2:17

Ме бырӧда сылӧн сёрниысь идолъяслысь нимъяссӧ, сійӧ пыр кежлӧ вунӧдас найӧс.

Аввакум 3:18

и сэки ме кута нимкодясьны Господьӧн, Енмӧн, коді мездӧ менӧ.

Лыд 21:17

Сэки Израиль пиян сьылісны татшӧм сьылан: – Юкмӧсӧй, ло ва тыра! Сьылӧй юкмӧсыс йылысь!

Колосӧ 2:15

Сійӧ песовтіс ыджыдалысьясӧс да вынаясӧс, шыбитіс найӧс яналӧмас да вермис Кристос пыр.

Восьтӧм 15:3

да сьылісны Ен кесйӧг Мӧисейлысь да Балялысь сьыланкывсӧ: – Господьӧй Енмӧй, Ставсӧвермысьӧй! Тэнад уджъясыд ыджыдӧсь да шензьӧданаӧсь, Тэнад туйясыд веськыдӧсь да збыльӧсь! Тэ – вежа войтырлӧн Ӧксыыс!