Петӧм 14:21 - Коми Библия 2023

²¹ Мӧисей нюжӧдіс кисӧ саридзлань, и Господь войбыд йӧткис васӧ ён асыв тӧлӧн. Ваыс вешйис ӧтарӧ-мӧдарӧ, и тыдовтчис саридз пыдӧсыс.

Петӧм 14:21 Kruisverwysings

Олӧм 8:1

Ен эз вунӧд Нойӧс да сыкӧд ковчегын кывтысь мувыв пемӧсъясӧс [лэбачьясӧс да гаг-веглясьысьясӧс]. Ен тшӧктіс кыпӧдчыны му вылын тӧвлы, и ваыс сувтіс.

Ӧксыяслӧн 4 небӧг 2:8

Илля пӧрччис ассьыс кышансӧ, гартыштіс сійӧс да кучкис сыӧн ваӧ. Ваыс шӧри потіс, и найӧ вуджисны юсӧ косінті.

Неемий 9:11

Миян батьяс водзын Тэ шӧри поткӧдін саридз, и найӧ вуджисны сійӧс косінті. На бӧрся вӧтчысьясӧс Тэ вӧйтін джуджыд саридзӧ, изйӧс моз шыбитін бузгысь ваӧ.

Иов 26:12

Аслас вынӧн Енмыс гызьӧдӧ саридз, Аслас мывкыдлунӧн пасьвартӧ Рахавӧс.

Иов 38:24

Кутшӧм туйвизьясӧд югыдыс паськалӧ, кыті кытшлалӧ му вылын асыв тӧв?

Псалтыр 148:8

Ошкӧй Сійӧс, би и шер, лым и ру, ошкы, Сылӧн тшӧктӧм серти пӧльтысь ыджыд тӧвныр!

Псалтыр 66:6

Енмӧй, войтыръяс мед ошкасны Тэнӧ, став войтыръяс мед нимӧдасны Тэнӧ.

Псалтыр 78:13

А ми, Тэнад войтырыд, Тэнад йӧрысь ыжъясыд, кутам помтӧг нимӧдны Тэнӧ, кутам ошкыны Тэнӧ чужысьяссянь чужысьясӧдз.

Петӧм 14:16

Лэпты бедьтӧ, нюжӧд китӧ саридзлань, мед саридзыс шӧри потас. Сэки Израиль пиян мунасны саридз шӧрӧдыс косінті.

Петӧм 14:20

Тадзи кымӧр сюръяыс лои египетса йӧз да Израиль войтыр костын. Кымӧр сюръяыс египетсалы вӧлі сьӧд пемыдӧн, а израильсалы сійӧ войбыд югдӧдіс. Тадзи кык войтыр эз вермыны матыстчыны ӧта-мӧд дінас.

Петӧм 15:8

Тэ пӧльыштін, и ваыс шӧри потіс. Визувтысь ваыс стен моз сувтіс, саридз шӧрын пыдӧстӧм ваыс едмис.

Петӧм 7:19

Господь шуис Мӧисейлы: «Тшӧкты Аарон вокыдлы босьтны киас бедьсӧ да нюжӧдны сійӧс египетса ваяслань – юяс, шоръяс, тыяс да быдсикас ва видзанінъяслань. Египет пасьтала ваыс лоӧ вирӧн, тадзи лоӧ весиг пуысь да изйысь вӧчӧм дозъясын».

Исай 23:11

Господь нюжӧдіс Ассьыс кисӧ саридз весьтӧ да пыркнитіс войтыръясӧс. Господь тшӧктіс жугӧдны Ханаанлысь изкаръяссӧ.

Исай 43:16

Господь восьтіс саридз пыр мунан туй, джуджыд ва пыр мунан туй, петкӧдіс тарантасъяс, вӧвъясӧс да вына тышкайӧзӧс – найӧ ставныс усисны, эз чеччыны, найӧ сись моз кусісны-сылісны. Господь тадзи висьталӧ:

Исай 44:27

Джуджыд саридзлы Ме тшӧкта косьмыны, Ме косьта сылысь юяссӧ.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Исай 51:10

Эз-ӧ Господьлӧн киыс косьты саридзсӧ, пыдӧстӧм васӧ, эз-ӧ вӧч саридз пыдӧссӧ кос туйӧн, кыті мунісны мездмӧмаяс?

Исай 51:15

Ме – Господь, тэнад Енмыд, Ме гызьӧда саридзсӧ, и гыясыс ыджыд шыӧн кутасны бузгыны. Менам нимӧй – Господь Саваоф.

Исай 63:12

Кӧні Сійӧ, коді нуӧдіс Мӧисейӧс Аслас вына кинас? Кӧні Сійӧ, коді шӧри поткӧдіс саридзсӧ Аслас войтыр водзын, медым нимӧдны Асьсӧ нэмъяс чӧж?

Исай 63:13

Кӧні Сійӧ, коді нуӧдіс найӧс джуджыд саридз пыдӧсӧд? Косінті мунысь вӧв моз найӧ мунісны сэті да эз крукасьлыны.

Аввакум 3:8

Господьӧй, Тэ пуксин Аслад вӧвъяс вылӧ, Аслад тарантасъясӧн петін, медым вермыны. Юяс вылӧ ӧмӧй Тэ скӧралан, шоръяс вылӧ ӧмӧй лӧглуныд петӧ, саридз вылӧ ӧмӧй скӧрлуныд киссьӧ?

Ап. уджъяс 7:36

Мӧисей петкӧдіс Израиль войтырӧс Египетысь. Уна шензьӧданатор да индысьпас сійӧ вӧчис Египет муын, Гӧрд саридз вуджигӧн да нелямын во чӧж овтӧминын ветлӧдлігӧн.

Нав Исус 2:10

Ми кывлім, кыдзи Господь [Ен] тіян водзын косьтӧма Гӧрд саридзсӧ, кор ті петӧмныд Египетысь. Ми кывлім, мый ті вӧчӧмныд Йӧрдан ю сайын олысь аморейяслӧн Сигон да Ог ӧксыяскӧд. Ті бырӧдӧмныд найӧс,

Нав Исус 3:17

Войтырыс вуджис Йӧрдан юсӧ Ерикон кар весьтӧд. Господьлысь Йитӧд куд нуысь попъяс сулалісны Йӧрдан ю шӧрын косінас, кытчӧдз Израиль пиян эз вуджны Йӧрдан юсӧ косінті.

Нав Исус 4:23

ӧд Господь, тіян Енныд, косьтіс Йӧрдан ю тіян водзысь, кытчӧдз ставныд энӧ вуджӧй сійӧс. Тадзи Господь, тіян Енныд, вӧчис тшӧтш Гӧрд саридзкӧд. Сійӧ косьтіс саридзсӧ миян водзысь, кытчӧдз ми эгӧ вуджӧй сійӧс.