Петӧм 13:21 - Коми Библия 2023

²¹ Луннас Господь муніс на водзвылын кымӧр сюръя пытшкын, медым индыны туйсӧ, а войнас – би сюръя пытшкын, медым югзьӧдны туйсӧ. Тадзи найӧ вермисны мунны луннас и войнас.

Петӧм 13:21 Kruisverwysings

Неемий 9:12

Луннас Тэ нуӧдін найӧс кымӧр сюръяӧн, войнас Тэ югзьӧдін налысь туйсӧ биа сюръяӧн.

Неемий 9:19

но Тэ вӧлін на дінӧ бур сьӧлӧма, Тэ эн эновт найӧс овтӧминын. Луннас кымӧр сюръя эз вешйыв на дінысь, а нуӧдіс найӧс, войнас биа сюръя югзьӧдіс налысь туйсӧ, кыті налы колӧ вӧлі мунны.

Псалтыр 105:39

Уджъяснас найӧ пежалісны асьнысӧ, кырсалысь ань моз сетчисны идолъяслы.

Псалтыр 68:7

Ыджыдӧй, Господь Саваоф, Тэ вылӧ лача кутысьяс мед оз янавны ме понда. Израильлӧн Енмӧй, Тэнӧ корсьысьяс мед оз янавны ме понда.

Псалтыр 77:20

Дерт, кор Сійӧ вартіс изкыртаӧ, сэтысь ыльӧбтіс ва да визувтісны шоръяс. Но вермас-ӧ Сійӧ сетны нянь да вердны Ассьыс войтырсӧ яйӧн?»

Петӧм 10:10

Фараон шуис налы: «Мед лоас тадзи. Господь тіянкӧд. Тіянӧс ме лэдза, но челядьнытӧ ог. Ті мӧвпаланныд лёк вӧчны.

Петӧм 16:10

Кор Аарон висьталіс Израиль войтырлы, найӧ бергӧдчисны овтӧминлань, кӧні кымӧр пытшкын петкӧдчис Господьлӧн дзирдлуныс.

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Лыд 10:34

Луннас сувтанінысь мӧдӧдчигӧн Господьлӧн кымӧрыс вӧлі на весьтын.

Лыд 14:14

Найӧ висьталасны та йылысь татчӧс олысьяслы, кодъяс кывлісны нин, мый Тэ, Господьӧй, олан Аслад войтырыд пӧвстын да аддзана ногӧн петкӧдчылан сылы. Найӧ кывлісны, мый Тэнад кымӧрыд сулалӧ войтырыд весьтын, и мый Тэ мунан сы водзвылын луннас кымӧр сюръя пытшкын, а войнас би сюръя пытшкын.

Индӧд 1:33

коді муніс тіян водзвылын, медым корсьны тіянлы сувтланінъяс. Войнас Сійӧ муніс би сюръя пытшкын, а луннас – кымӧр сюръя пытшкын. Татшӧм ногӧн Сійӧ индыліс тіянлы туйсӧ.

Индӧд 31:8

Господь Ачыс мунас тэ водзвылын. Сійӧ лоас тэкӧд, оз эновт тэнӧ да оз коль тэнӧ. Эн пов да эн тірав!»