Петӧм 13:16 - Коми Библия 2023

¹⁶ Мед тайӧ тшӧктӧмыс лоас ки вылад да плешкад пуктӧм пас кодь, ӧд Господь Аслас вына кинас петкӧдіс миянӧс Египет муысь».

Петӧм 13:16 Kruisverwysings

Неемий 1:10

Господьӧй, найӧ ӧд Тэнад кесйӧгъяс, найӧ – Тэнад войтыр. Тэ мездін найӧс Аслад ыджыд вынйӧрӧн да вына киӧн.

Петӧм 12:13

Тіян керкаясын паснас лоӧ вир. Ме аддза вирсӧ да бокиті муна. Ме мыжда Египет му, но тіянӧс бырӧдӧмыс оз су.

Петӧм 12:41

Нёльсё комын во тыран лунӧ войнас Господьлӧн став войтырыс тышкайӧз моз петіс Египетысь.

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Петӧм 13:9

Тайӧ тшӧктӧмыс мед лоӧ ки вылад да плешкад пуктӧм пас кодь, медым тэ эн вунӧд Господьлысь Индӧдсӧ, ӧд Господь [Ен] вына кинас петкӧдіс тэнӧ Египетысь.

Петӧм 6:1

Господь шуис Мӧисейлы: «Ӧні тэ аддзан, мый Ме вӧча фараонлы. Ме лэпта киӧс сы вылӧ, и сійӧ лэдзас Менсьым войтырӧс, весиг вӧтлас найӧс аслас муысь».

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Шусьӧгъяс 6:21

Пыр кежлӧ пукты найӧс сьӧлӧмад, гартышт найӧс сьылі гӧгӧрыд.

Даниил 9:15

Господьӧй, миян Енмӧй, Аслад вына кинад Тэ петкӧдін Ассьыд войтыртӧ Египетысь. Тэ шедӧдін Аслыд нималӧм, и ӧніӧдз Тэ нималан, но ми мыж вӧчим да олім лёкнога.

Матвей 23:5

Найӧ ставсӧ вӧчӧны йӧзлы петкӧдлӧм могысь: ӧшлӧны ас выланыс ыджыд кудъяс, кузьмӧдӧны паськӧм дорыш тугъяссӧ.

Ап. уджъяс 13:17

Израиль войтырлӧн Ен бӧрйис миянлысь батьяснымӧс, рӧдмӧдіс тайӧ войтырсӧ Египет муын да вына кинас петкӧдіс найӧс сэтысь.

Индӧд 11:18

Менам кывъясӧй мед лоӧны сьӧлӧманыд да вежӧраныд. Пас пыдди кӧрталӧй найӧс сояныд да плешканыд.

Индӧд 26:8

Господь петкӧдіс миянӧс Египетысь [Аслас ыджыд вынйӧрнас,] Ассьыс вына кисӧ да ён сойсӧ лэптӧмӧн, чорыда повзьӧдлӧмӧн, шензьӧданаторъяс да индысьпасъяс вӧчӧмӧн.

Индӧд 5:15

Эн вунӧд, мый Египетын тэ ачыд вӧлін кесйӧг туйын, но Господь, тэнад Енмыд, петкӧдіс тэнӧ сэтысь Ассьыс вына кисӧ да ён сойсӧ лэптӧмӧн. Та вӧсна Господь, тэнад Енмыд, тшӧктіс видзны шойччан лунсӧ [мед сійӧ лоас тэныд вежа].

Индӧд 6:21

Сэки вочавидз сылы тадзи: ”Ми вӧлім Египетын фараонлӧн нартитӧм улынӧсь, но Господь [Ен] Аслас вына кинас [да ён сойнас] петкӧдіс миянӧс сэтысь.

Ёрдысьяс 2:12

Найӧ эновтісны Господьӧс, батьясныслысь Енсӧ, коді петкӧдіс найӧс Египетысь. Найӧ пондісны юрбитны на гӧгӧр олысь войтыръяслӧн енъяслы. Тадзи скӧрмӧдісны Господьӧс.