Петӧм 12:6 - Коми Библия 2023

⁶ Тайӧ тӧлысьнас дас нёльӧд лунӧдзыс видзӧй балясӧ ас орданыд. Рытнас став Израиль войтыр мед начкас балянысӧ.

Петӧм 12:6 Kruisverwysings

2 Каднебӧг 35:1

Ерусалимын Иосей пасйис Господьлы сиӧм Ыджыд лун. Медводдза тӧлысьлӧн дас нёльӧд лунӧ начкисны ыджыдлунся баляӧс.

Ездра 6:19

Медводдза тӧлысьлӧн дас нёльӧд лунӧ пленысь локтӧмаяс пасйисны Ыджыд лун.

Петӧм 12:14

Тайӧ луныс Господьлы сиӧм гаж. Казьтылӧмӧн пасйӧй сійӧс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Петӧм 12:17

Пасйӧй Шомтӧм нянь сёян лунъяс, ӧд тайӧ лунӧ тышкайӧзӧс моз Ме петкӧді тіянӧс Египетысь. Чужысьяссянь чужысьясӧдз пасйӧй тайӧ лунсӧ. Тайӧ тшӧктӧмыс тіянлы нэмъяс кежлӧ.

Петӧм 12:18

Медводдза тӧлысьлӧн дас нёльӧд лун рытсянь кызь ӧтиӧд лун рытӧдз сёйӧй шомтӧм нянь.

Петӧм 12:47

Израиль войтырысь дзик быдӧнлы колӧ тайӧс вӧчны.

Петӧм 16:1

Элимысь мӧдӧдчӧм бӧрын став Израиль войтыр воис Син овтӧминӧ. Тайӧ овтӧминыс куйліс Элим да Синай костын. Египетысь петӧмсянь мӧд тӧлысьлӧн дас витӧд лунӧ воисны сэтчӧ.

Петӧм 16:12

«Ме кылі Израиль пиянлысь ропкӧмсӧ. Висьтав налы тадзи: рытнас ті кутанныд сёйны яй, а асывнас ті пӧттӧдзныд сёянныд нянь. Сэки ті тӧдмаланныд, мый Ме – Господь, тіян Енныд».

Петӧм 19:1

Египет муысь петӧм бӧрын коймӧд тӧлысьлӧн медводдза лунӧ Израиль пиян Рефидимысь мунӧм бӧрын воисны Синай овтӧминӧ. Найӧ паськӧдчисны чомъяснас керӧс бокӧ.

Петӧм 29:39

Ӧти балясӧ вай асывнас, мӧдсӧ – рытнас.

Петӧм 29:41

Мӧд балясӧ вай рытнас нянь виськӧд да вина виськӧд асъя мозыс жӧ. Вай сійӧс Господьлы чӧскыда ӧвтан вись пыдди.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Езекиль 45:21

Медводдза тӧлысьлӧн дас нёльӧд лунӧ тіян мед лоас Ыджыд лун, сэки сизим лун чӧж гажӧдчӧй да сёйӧй шомтӧм нянь.

Левит 23:5

Медводдза тӧлысьлӧн дас нёльӧд лун рытсянь мӧд рытӧдз Господьлы сиӧм Ыджыд лун,

Лыд 28:16

Медводдза тӧлысьлӧн дас нёльӧд лунӧ Господьлы сиӧм Ыджыд лун,

Лыд 28:18

Медводдза гажӧдчан лунӧ тіян мед лоӧ вежа чукӧртчӧм. Некутшӧм удж сэки энӧ вӧчӧй.

Лыд 9:11

Мед пасъясны сійӧс мӧд тӧлысьлӧн дас нёльӧд лун рытсянь мӧд рытӧдз. Мед сёясны ыджыдлунся баляӧс шомтӧм няньӧн да курыд турунъясӧн.

Матвей 27:20

Аркирейяс да юрнуӧдысьяс ыззьӧдісны йӧзсӧ, мед корасны лэдзны Варавваӧс, а Исусӧс вины.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Марк 15:1

Асывводзнас чукӧртчисны аркирейяс, юрнуӧдысьяс, Индӧдӧ велӧдысьяс да став веськӧдлан котырыс. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы.

Марк 15:11

Аркирейяс ыззьӧдісны йӧзсӧ, мед Исус пыдди корасны лэдзны Варавваӧс.

Марк 15:25

Исусӧс тувъялісны ӧкмыс час асылӧ.

Марк 15:8

Чукӧртчӧм йӧз пондісны горзӧмӧн корны Пилатӧс вӧчны налы сійӧ, мый пыр вӧчлывліс.

Лука 23:1

Сэки чукӧртчӧмаяс чеччисны да нуӧдісны Исусӧс Пилат дінӧ.

Лука 23:18

Став йӧзыс горӧдісны: «Вины Сійӧс! Лэдз миянлы Варавваӧс!»

Ап. уджъяс 2:23

Енлӧн шуӧм серти Сійӧс вӧлі сетӧма тіян киӧ. Индӧдтӧг олысьяс киӧн ті Сійӧс тувъялінныд-виинныд.

Ап. уджъяс 3:14

Ті соссинныд Вежаысь да Веськыда Олысьысь, коринныд лэдзны морт виысьӧс.

Ап. уджъяс 4:27

Тайӧ карас Ирӧд да Понтий Пилат збыльысь ӧтувтчисны ентӧдтӧмъяскӧд да Израиль войтыркӧд, сувтісны Тэнад Мавтыштӧмалы, Тэнад вежа Исус Пиыдлы паныд.

Нав Исус 5:10

Сійӧ тӧлысьӧ, кор Израиль пиян сувтісны Галгалӧ, дас нёльӧд лунӧ рытнас найӧ сёйисны ыджыдлунся баляӧс Ерикон ковтысын.