Петӧм 12:43 - Коми Библия 2023

⁴³ Господь шуис Мӧисейлы да Ааронлы: «Ыджыдлунся баля йылысь тшӧктӧмыс татшӧм. Оз позь сёйны сійӧс йӧз муысь локтысьяслы.

Петӧм 12:43 Kruisverwysings

2 Каднебӧг 30:18

Унаӧн, торйӧн нин Ефремлӧн, Манассейлӧн, Иссакарлӧн да Завулонлӧн чужанкотыръясысь, абу вӧлі сӧстӧммӧдӧмаӧсь асьнысӧ, но найӧ сёйисны ыджыдлунся баляӧс. Тадзи найӧ торкисны Индӧдсӧ,

Петӧм 12:11

Вӧнясьӧй да кӧмасьӧй. Босьтӧй кианыд бедьнытӧ да тэрмасьӧмӧн сёйӧй балясӧ. Тайӧ Господьлы сиӧм Ыджыд лун.

Петӧм 12:48

Овмӧдчас кӧ тэ ордӧ йӧз муысь локтысь да кӧсъяс пасйыны Господьлы сиӧм Ыджыд лун, медводз сылӧн котырысь став айуловсӧ колӧ вундыштны. Сӧмын та бӧрын йӧз муысь локтысьыс вермас пасйыны Ыджыд лун, ӧд сійӧ лоӧ тіянлы ас морт кодь. Но вундыштчытӧм морт мед оз сёй ыджыдлунся баляӧс.

Езекиль 44:7

Ті вайӧданныд Менам вежаинӧ йӧз муысь локтысьясӧс, сьӧлӧмнас да вир-яйнас вундыштчытӧмъясӧс. На дырйи Меным гос да вир вайӧмӧн ті пежаланныд Менсьым крамӧс. Асланыд пеж уджъясӧн ті торканныд йитӧдӧс, мый Ме кӧрталі тіянкӧд.

Левит 22:10

Бокыса мортлы вежа вайӧмторъяс сёйны оз позь. Поп ордӧ овмӧдчӧм либӧ медалӧм морт мед оз сёйны вежа вайӧмторъяс.

Левит 22:13

Сійӧ кӧ коляс дӧваӧн либӧ верӧсыс эновтас сійӧс, и ныв-пиыс сылӧн абу, и сійӧ кӧ бӧр овмӧдчас чужан керкаас, сэки мед сёяс сійӧ жӧ, мый сёйӧ батьыс. Но бокыса морт мед оз сёй вежа вайӧмторъяс.

Лыд 9:14

Овмӧдчас кӧ тіян ордӧ йӧз муысь локтысь, сылы тшӧтш колӧ пасйыны Господьлы сиӧм Ыджыд лун, кыдзи тшӧктӧма-индӧма Ыджыд лун йылысь. Вужвойтырлы да йӧз муысь локтысьяслы тшӧктӧмыс ӧти».

Ефесӧ 2:12

Сэки ті олінныд Кристостӧг, энӧ вӧлӧй Израиль войтырӧн. Енма-тіа костын йитӧдыс эз вӧв, тіянлы эз вичмыв Сылӧн кӧсйысьӧмыс, ті олінныд тайӧ муюгыдас Енсӧ тӧдтӧг да лачатӧг.

Ӧксыяслӧн 1 небӧг 2:27

Илий дінӧ локтіс Енлӧн морт да шуис: «Господь тадзи висьталӧ: ”Ме восьті Ачымӧс тэнад батьяслы, кор найӧ Египетын вӧліны фараонлӧн кесйӧгъясӧн.