Петӧм 12:37 - Коми Библия 2023

³⁷ Израиль войтыр петіс Рамсесысь да мӧдӧдчис Суккотӧ. Аньясӧс да ныв-писӧ артавтӧг пода мортыс вӧлі квайтсё сюрс гӧгӧр.

Петӧм 12:37 Kruisverwysings

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Олӧм 15:5

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

Олӧм 46:3

Ен шуис: «Ме – Ен, тэнад батьлӧн Ен. Эн пов мунны Египетӧ. Сэні Ме сета тэсянь чужны унасьыс-уна войтырлы.

Олӧм 47:11

Фараонлӧн тшӧктӧм серти Ӧсип овмӧдіс ассьыс батьсӧ да вокъяссӧ Египетӧ, сетіс налы медбур мусӧ, Рамсес му.

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]

Петӧм 10:9

Мӧисей вочавидзис: «Ми мунам ставным, том и пӧрысь, ныв-пиным и ыж-мӧсным. Тайӧ ӧд Господьлы [миян Енлы] сиӧм гаж».

Петӧм 13:20

Суккотысь муныштӧм бӧрын Израиль войтыр сувтіс Этамӧ, овтӧмин бокӧ.

Петӧм 38:26

Кызь арӧса да ыджыдджык арлыда айуловысь, кодъясӧс вӧлі арталӧма-гижалӧма, быдӧн мынтіс сикель джын вежаинса сикель серти. Налӧн лыдыс вӧлі квайтсё куим сюрс витсё ветымын морт.

Лыд 1:2

«Арталӧй израильса став айуловсӧ да гижалӧй нимъяснас чужанкотыр да рӧд сертиныс.

Лыд 1:46

Ставнас вӧлі арталӧма квайтсё куим сюрс витсё ветымын мортӧс.

Лыд 11:21

Мӧисей шуис: «Тайӧ войтыр пӧвстын квайтсё сюрс пода морт, а Тэ шуан, тӧлысь кежлӧ пӧ яй сета.

Лыд 2:32

Израиль пиянӧс вӧлі арталӧма налӧн котыр сертиныс. Став тышкайӧзыслӧн лыдыс вӧлі квайтсё куим сюрс витсё ветымын морт.

Лыд 26:51

Арталӧм-гижалӧм Израиль пиянлӧн лыдыс вӧлі квайтсё ӧти сюрс сизимсё комын морт.

Лыд 33:3

Медводдза тӧлысьлӧн дас витӧд лунӧ, Ыджыд лун бӧрти мӧд лунӧ, Израиль пиян петісны Рамсес карысь. Египетсаяслӧн син водзын найӧ мӧдӧдчисны туйӧ Господьлӧн нуӧдӧм улын.

Лыд 33:5

Рамсес карысь мунӧм бӧрын Израиль пиян сувтісны чомъяснаныс Суккотӧ.