Петӧм 12:22 - Коми Библия 2023

²² Сэсся босьтӧй китыр иссоп турун, кӧтӧдӧй дозйӧ чукӧртӧм вирнас да мавтӧй ӧдзӧсныдлысь вылыс куричсӧ да кыкнанбок куричсӧ. Тіян пӧвстысь асылӧдзыс мед некод оз пет керкасьыс ӧдзӧс саяс.

Петӧм 12:22 Kruisverwysings

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Петӧм 12:7

Сэсся мед босьтасны сылысь вирсӧ да мавтасны ӧдзӧслысь кыкнанбок куричсӧ да вылыс куричсӧ сійӧ керкасьыс, кӧні кутасны сёйны яйсӧ.

Исай 26:20

Менам войтырӧй, мунӧй асланыд гортӧ да йигнасьӧй! Дзебсьӧй дженьыдик кад кежлӧ, кытчӧдз оз лӧнь Господьлӧн скӧрлуныс.

Лыд 19:18

Сӧстӧм морт мед босьтас иссоп турун, кӧтӧдас турунсӧ тайӧ ваас да резас чомсӧ, кӧні вӧлі кулӧм морт, сэтысь став эмбур-кӧлуйсӧ да став йӧзсӧ, кодъяс вӧліны чомйын. Тадзи жӧ мед резасны мортӧс, коді инмӧдчылас морт шойлӧн лыясӧ, кулӧм либӧ виӧм морт дінӧ либӧ шой дзебанінӧ.

Матвей 26:30

Енлы сьылӧм бӧрын найӧ кайисны Олив керӧсӧ.

Еврейяслы 11:28

Эскӧмӧн Мӧисей тшӧктіс пасйыны Израиль войтырлы Ыджыд лун да мавтыштны ӧдзӧс куричьяссӧ вирӧн, медым Андел-Бырӧдысь эз ви Израиль войтырлысь медводдза чужысьяссӧ.

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

Еврейяслы 9:1

Важ Йитӧдас вӧлі сетӧма Енлы кесъялӧм да мувывса вежа чом йылысь индӧдъяс.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

Еврейяслы 9:19

Израиль войтырлы Индӧдысь став тшӧктӧмсӧ лыддьӧм бӧрын Мӧисей босьтіс ӧшъяслысь да кӧзаяслысь ваӧн соралӧм вир, гӧрд вурун, иссоп турун да резіс тайӧн медводз Индӧд небӧгсӧ, сэсся став войтырсӧ.

Нав Исус 2:19

Коді петас тэнад керкаысь ывлаӧ, ачыс лоӧ мыжа аслас кулӧмысь, а ми мынам тэныд кыв сетӧмысь. Но миян войтырысь кӧ кодкӧ кыпӧдас кисӧ тэнад керкаын олысь вылӧ, сэки ми лоам мыжаӧсь сылӧн кулӧмысь.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.